ބަންގްލަދޭޝްއަށް ނިސްބަތްވާ އަލަމްގިރި އާއި އެކު އެއްޖިންސުން ގުޅުންހިންގާ ވީޑިއޯތައް ބޭނުންކޮށްގެން އެ ވީޑިއޯތަކުން ފެންނަ މީހުން ބްލެކްމެއިލް ކުރި ދެމީހުން ހައްޔަރު ކޮށްފިއެވެ. 

މި މައްސަލައިގައި ފުލުހުން މައުލޫމާތު ދެމުން ބުނެފައިވަނީ ބަންގްލަދޭޝްއަށް ނިސްބަތްވާ އަލަމްގިރި އާއި އެކު އެއްޖިންސުން ގުޅުންހިންގާ ވީޑިއޯތައް ބޭނުންކޮށްގެން އެ ވީޑިއޯތަކުން ފެންނަ މީހުން ބްލެކްމެއިލް ކުރި ދެމީހުން ހައްޔަރު ކޮށްފައިވާ ކަމަށެވެ. ނަމަވެސް އޮޕަރޭޝަނާއި ބެހޭ އިތުރު ތަފްސީލެއް ފުލުހުން ހާމަ ކޮށްފައެއް ނުވެއެވެ. 

އަލްމްގިރި އާއި އެކު 250 އަށް ވުރެ ގިނަ މީހުން އެއްޖިންސުން ގުޅުންހިންގި ކަމަށް ފުރަތަމަ އަޑުތައް ފެތުރި އޭގެތެރެއިން ބައެއް މީހުންގެ ވީޑިއޯތައް އާންމުވެފައިވީ ނަމަވެސް އަލަމްގިރީގެ މައްޗަށް ފުލުހުން ދައުވާ ކޮށްފައިވަނީ އޮރިޔާން ކާޑު ހެދުމުގެ 40 ދައުވާއެވެ. 

މިހާތަނަށް އަލަމްގިރިއާއި އެކު އެއްޖިންސުން ގުޅުން ހިންގި މައްސަލައިގައި މިހާތަނަށް ހައްޔަރުކޮށްފައިވާ މަދު ފަރާތްތަކުގެ ތެރޭގައި ރައްޔިތުންގެ މަޖިލީހުގެ ރައީސްގެ ކޮއްކޮ ނާޒިމް އަބްދުއްސައްތާރު އާއި ރައްޔިތުންގެ މަޖިލީހުގެ ކުރީގެ މެންބަރު، ޑީއާރްޕީގެ ކުރީގެ ރައީސް މުހައްމަދު ނަޝީދުގެ އިތުރުން ފުލުހެއް ކަމަށްވާ އަބްދުއްރަހްމާން ރަފީއު(ދޮންދިގު) ހިމެނެއެވެ.

މި މައްސަލައިގައި ނާޒިމްގެ މައްޗަށް މިހާރު ވަނީ 4 މަހުގެ ގޭގައި ބަންދުކުރުމަށް ހުކުމް ކޮށްފައެވެ. އޭނާއަށް މިހާ ލުއި އަދަބެއް ލިބުމާއި ގުޅިގެން ސަރުކާރަށާއި ފުލުހުން އަދި ކޯޓުތަކަށް ގިނަ ބަޔަކު ދަނީ ފާޑުކިޔަމުންކަން ފާހަގަ ކޮށްލެވެއެވެ.