ފުލުހުންގެ ބޭނުމަށް 130 ސީސީޓީވީ ކެމެރާ ގަންނަން، ބީލަން ހުށަހެޅުމުގެ ފުރުސަތު އިއްޔެ އެއިދާރާއިން ހުޅުވާލައިފި އެވެ.
ފުލުހުން ކުރި އިއުލާނެއްގައިވާ ގޮތުން ތިން ވައްތަރެއްގެ ސީސީޓީވީ ކެމެރާ ބޭނުންވާ ކަމަށް ބުނެފައިވެއެވެ. ފުލުހުން ބުނީ އެއިދާރާގެ ބޭނުމަށް 40 ބުލެޓް ނެޓްވޯކް ކެމެރާ އާއި، 35 މިނީ އައިއާރް ފިކްސްޑް ބުލެޓް ނެޓްވޯކް ކެމެރާގެ އިތުރުން 55 ޑޯމް ނެޓްވޯކް ކެމެރާ ބޭނުންވާ ކަމަށެވެ.
ފުލުހުން ބުނީ އެ ބީލަމުގައި ބައިވެރިވުމަށް އެދޭ ފަރާތްތަކުން، މި މަހު 28 ގެ ކުރިން ބިޑް ރެޖިސްޓްރޭޝަން ފޯމް ހުށަހެޅުމަށެވެ. އަދި ބީލަން ހުޅުވުން މި މަހު 29 ގައި، އަމީނީމަގު ހުންނަ އިސްކަންދަރު ކޮށި 1 ގައި އޮންނާނެ ކަމަށެވެ. މި ބީލަމުގެ ސެކިއުރިޓީގެ ގޮތުގައި 500،000ރ. ހުށަހަޅަން ޖެހޭނެ ކަމަށްވެސް ބުނެފައި ވެއެވެ.
ފުލުހުން މި ކެމެރާތައް ހޯދަން އިއުލާންކޮށްފައިވާއިރު، މާލެ، ހުޅުމާލެ، ވިލިމާލެ އަދި އައްޑޫގައި ވެސް މަގުތައް މޮނިޓާކުރުމަށް ފުލުހުން ސީސީޓީވީ ހަރުކޮށްފައިވެ އެވެ.
Advertisement
This content is created and paid for by advertisers and does not involve Voice Journalists
