ދިވެހި ފުލުހުންގެ ޚިދުމަތުގެ ދުވަސް ފާހަގަކުރުމުގެ ގޮތުން ކުރިއަށްގެންދާ ހަރަކާތްތަކުގެ ތެރެއިން “އަވަށްޓެރި ފުލުހުންގެ ހަފްތާ” ގެ ހަރަކާތްތަކުގެ ތެރެއިން ކުޑަކުދިންގެ ހާއްސަ ހަވީރެއް ބޭއްވުމަށް ހަމަޖެހިއްޖެއެވެ. 

ދިވެހި ފުލުހުންގެ ޚިދުމަތުން ކޮށްފައިވާ ޓުވީޓެއްގައި ބުނީ، އެ ޚިދުމަތުގެ ފަރާތުން ތަފާތު ކުޅިވަރުތަކާއެކު ބާއްވާ ވަރަށް ހާއްސަ ކުޑަކުދިންގެ ހަވީރު 2022 ސެޕްޓެމްބަރ 24 ވަނަ ދުވަހުގެ ހަވީރު ހުޅުމާލެ ސެންޓްރަލް ޕާކްގައި ހަވީރު 16:00 އިން 18:00 އަށް އޮންނާނެ ކަމަށެވެ.

މި ހަވީރުގައި ބޭއްވުމަށް ހަމަޖެހިފައިވާ ކުޅިވަރު ތަކުގެ ތެރޭގައި، ފޭސް ޕެއިންޓިންގ އާއި، ފެން ކުޅިވަރު ތަކާއި، ޓިކް ޓެކް އާއި، ވޯކް ކްލައިންބިންގ އާއި، ޕަޒްލްސް ފަދަ ގިނަ ކުޅިވަރުތައް ހިމެނޭ ކަމަށް ފުލުހުން ބުނެފައިވެއެވެ.

އަވައްޓެރި ފުލުހުންގެ ހަފްތާގެ ހަރަކާތްތައް ސެޕްޓެމްބަރު 18 އިން 24 އަށް ކުރިއަށް ގެންދިއުމަށް ވަނީ ހަމަޖެހިފައެވެ. 

އެގޮތުން މި މުއްދަތުގައި ކުރިއަށް ގެންދިއުމަށް ހަމަޖެހިފައިވާ ހަރަކާތްތްތަކުގެ ތެރޭގައި މިހާރުވެސް ގޭގެއަށް ޒިޔާރަތްކޮށް އާއިލާތަކާއި ބައްދަލުކުރުމާއި، ކޮމިޔުނިޓީ މީޓންގތަކާއި، ލޭ ހަދިޔާކުމުގެ ކޭމްޕާއި، ހާއްސަ ފުޓްބޯޅަ މެޗެއް ކުޅުމާއި، ވިޒިޓިންގ ވަލްނަރަބަލް ޕޮޕިޔުލޭޝަނާއި، ގުރައިދޫއަށް ޒިޔާރަތްކުރުމާއި، ކޮމިޝަނަރ މީޓިންގް ޕެނަލާއި، އަވަށްޓެރި ފުލުހުން މީޑިޔާއަށް، އަ ޑޭ ވިދް ޕާޓްނާސް، ޕްލާސްޓިކް ކްލީނިންގ އިވެންޓް، ޕާރކްތަކަށް ޒިޔާރަތްކުރުމުގެ ހަރަކާތްތަކެއް ކުރިއަށް ދެއެވެ.