މާލޭގެ ގެއެއްގައި ހިނގި ހަމަނުޖެހުމެއްގައި ފިރިހެނަކަށް ހަމަލާދީފިއެވެ.

ފުލުހުން ބުނީ މާލޭގެ ގެއެއްގައި ހިނގި ހަމަޖުހެމެއްގެ މައްސަލަ އިއްޔެ ހަވީރު 16:20 ހާއިރު ފުލުހުންނަށް ހުށަހަޅާފައިވާ ކަމަށެވެ. 

މި ހަމަނުޖެހުން ހިނގާފައިވަނީ އާއިލާއެއްގެ ތެރޭގައި ހިނގި ދެބަސްވުމެއްގެ ތެރެއިން ކަމަށް ފުލުހުން ބެލި ބެލުމުން އެނގިފައިވާ ކަމަށް ފުލުހުން ބުންޏެވެ.

Advertisement

މި ހަމަނުޖެހުމުގައި އެއްޗަކުން ބޮލުގައި ޖެހުމުގެ ސަބަބުން ދިވެހި ފިރިހެނަކަށް ވަނީ އަނިޔާވެފައެވެ. ފުލުހުން ބުނީ އެމީހާއަްށް އައިޖީއެމްއެޗް ހޮސްޕިޓަލުގައި ފަރުވާ ދިނުމަށްފަހު މިހާރު ދޫކޮށްލާފައިވާ ކަމަށެވެ. 

މި ހާދިސާގެ ވީޑިއޯ ސޯޝަލް މީޑިއާަގައި މިހާރު ދަނީ ދައުރުވަމުންނެވެ.

އެ ވީޑިއޯ އިން ފެންނަ ގޮތުގައި އަންހެން މީހާ ވަޅިން ހަމަލާދޭން މަސައްކަތް ކުރަން ފެށުމުން އޭނާ ހުއްޓުވަން އެއްބަނޑު އެއްބަފާ ބޭބެކަމަށް ބުނާ މީހާގެ އިތުރުން އެތަނުގައި ހުރި ޒުވާން ފިރިހެނަކު ވެސް މަސައްކަތް ކުރިއެވެ. ނަމަވެސް އަންހެން މީހާ ވަޅި ހޫރުވަމުން ގޮސް ފިރިހެން މީހާއަށް ހަމަލާ ދިނެވެ. އޭނާގެ ބޯ ޒަހަމްވެ، ބޮލުން ލޭ ފައިބަމުން ދިޔަ މަންޒަރު ވީޑިއޯ އިން ފެނުނެވެ.