ކޮވިޑު 19 ގެ ސަބަބުން ހުއްޓާލާފައިވާ ރާއްޖެއާއި ޗައިނާއާ ދެމެދު ކުރެވޭ ވައިގެ ސީދާ ދަތުރުތައް އަންނަ އަލުން ފަށެމަށް ނިންމައިފިއެވެ.
ޗައިނާ އާއި ރާއްޖެއާއި ދެމެދު އަލުން ސީދާ ދަތުރުތައް ފެށުމަށް ހަމަޖެހިފައިވާކަން ހާމަކުރައްވާފައިވަނީ ޗައިނާގެ ސަފީރު ވާންގް ލިޖިން ޕީއެސްއެމްގެ ޕްރޮގްރާމަކަށް އިއްޔެ ދެއްވި އިންޓަވިއުއެއްގައެވެ. ޗައިނާގެ ސަފީރު އިންޓައުވިއުގައި ވިދާޅުވެފައިވަނީ ރާއްޖެ އާއި ޗައިނާއާ ދެމެދު ސީދާ ދަތުރުތައް އަލުން ފެށުމުގެ މަސައްކަތް އެބަކުރެވޭ ކަމަށާއި އޭނާ އުއްމީދުކުރައްވަނީ އަންނަ މަހު އެ ދަތުރުތައް ފެށޭނެ ކަމަށް ކަމުގައެވެ.
"ގަބޫލުކުރެވޭ ގޮތުގައި ވަރަށް އަވަސް މުސްތަގުބަލެއްގައި ރާއްޖެ އާއި ޗައިނާއާ ދެމެދު ދަތުރުކުރާ ޓޫރިސްޓުންނާއި ދަތުރުވެރިންގެ އަދަދު ވަރަށް ބޮޑުތަނުން އިތުރުވާނެ،" ސަފީރު ވިދާޅުވި އެވެ.
ކޮވިޑު 19 އާއި ގުޅިގެން ރާއްޖެއިން ޗައިނާ އާއި ދެމެދު ކުރެވެމުން ދިޔަ ސީދާ ދަތުރުތައް މެދުކަނޑާލި އިރު އެ ގައުމަކީ އޭރު ރާއްޖެއަށް އެންމެ ގިނައި ފަތުރުވެރިން އަންނަމުން ދިޔަ ގައުމުކަން ފާހަގަ ކޮށްލެވެއެވެ. މީގެ ސަބަބުން ރާއްޖެ ވެގެން ގޮސްފައިވަނީ ޗައިނާގެ ރައްޔިތުންގެ މެދުގައި އެންމެ މަގުބޫލް އެއް ފަތުރުވެރިކަމުގެ މަންޒިލުގެ ގޮތުގައެވެ.
މި އަހަރު ރާއްޖޭގެ ފަތުރުވެރިކަމަށް 50 އަހަރު ފުރިގެން ދާއިރު ރާއްޖެއާއ ޗައިނާ އާ ދެމެދު އަލުން ދަތުރުތައް ފެށުން ވެގެންދާނީ މިވަގުތު ރާއްޖޭގެ ފަތުރުވެރިކަމުގެ ސިނާއަތަށް ލިބިގެންދާނެ އިތުރު ކުރިއެރުމެކެވެ.
Advertisement
This content is created and paid for by advertisers and does not involve Voice Journalists
