Advertisement

ނޫސްވެރިން ތަމްރީނު ކުރުމުގެ ޕްރޮގްރާމް ފުރިހަމަ ކުރި ބައިވެރިންނަށް ސެޓްފިކެޓް ހާސިލްކޮށްފި

08 Sep 2022 | 21:06
ފޮޓޯ: ވަން މީޑިއާ

ނޫސްވެރިން ތަމްރީނު ކުރުމުގެ ޕްރޮގްރާމް ފުރިހަމަ ކުރި ބައިވެރިންނަށް ސެޓްފިކެޓް ހާސިލްކޮށްފިއެވެ.

ޝަހީބު މީޑިއާއިން މޯލްޑިވްސް މީޑިއާ ކައުންސިލާއި މޯލްޑިވްސް ބްރޯޑްކާސްޓިން ކޮމިޝަނާއި ގުޅިގެން ހިލޭ ކުރިއަށް ގެންދިޔަ މި ތަމްރީން ކޯސް 20 ބައިވެރިއަކު ވަނީ ފުރިހަމަ ކޮށްފައެވެ.

ރޭ ބޭއްވުނު ނިންމުމުގެ ހަފުލާ ޝަރަފުވެރިކޮށްދެއްވީ ހޯމް މިނިސްޓަރު އިމްރާން އަބްދުﷲ އެވެ. ކޯހުގެ ބައިވެރިންގެ ތެރެއިން 100 ޕަސަންޓް ހާޒިރީ ހޯދި ނުވަ ދަރިވަރަކަށް ހަނދާނީ ލިއުން ދެއްވީ އެބޭފުޅާއެވެ. އަދި އިމްރާން ވަނީ ރޭގެ ހަފުލާގެ ބައިވެރިންނާއި މުހާތަބުކޮށް ވާހަކަ ދައްކަވާފައެވެ. އިމްރާންގެ އިތުރުން މޯލްޑިވްސް ބްރޯޑްކާސްޓިން ކޮމިޝަންގެ ރައީސް މަރިޔަމް ވަހީދާ އަދި މޯލްޑިވްސް މީޑިއާ ކައުންސިލްގެ ރައީސް މުހައްމަދު ޝަފާއު ހަސަން ވަނީ ވާހަކަ ދައްކަވާފައެވެ.

Advertisement

ދެ ހަފްތާގެ މުއްދަތަކަށް ކުރިއަށް ގެންދިޔަ މި ކޯހުގައި ނޫސްވެރިކަމުގެ މައިގަނޑު ބައިތަށް ކޯހުގެ ބައިވެރިންނަށް ކިޔަވައިދެއްވާފައިވަނީ ރާއްޖޭގެ ފުންނާބު އުސް، ތަޖުރިބާކާރު ނޫސްވެރިންނެވެ. އަދި އެ ބޭފުޅުން ވަނީ ނޫސްވެރިކަމުގެ އެތަކެއް ތަޖުރިބާއެއް ކޯހުގެ ބައިވެރިންނާއި ވަނީ ހިއްސާކޮށްފައެވެ.

Advertisement

ކޮމެންޓް