ފުލުހުން ހިންގި ޑްރަގް އޮޕަރޭޝަނެއްގައި ބިދޭސީއަކަށް އަނިޔާކުރި މައްސަލާގައި ފުލުހުންތަކެއްގެ މައްޗަށް ފުލުހުން އަމިއްލައަށް ތަހުގީގު ހިންގީ ގާނޫނާ ޚިލާފަށް ކަމަށް ސުޕްރީމް ކޯޓުން މިއަދު ހުކުމްކޮށްފި އެވެ.
2019 ވަނަ އަހަރުގެ ޖުލައި މަހުގެ 5 ވަނަ ދުވަހުގައި ފުލުހުންގެ ޑީއީޑީން ހިންގި އޮޕަރޭޝަނެއްގައި ކޯޓު އަމުރެއްގެ ދަށުން އެ ގެ ބަލައިފާސްކުރިއިރު އެ ގެއަށް މަސްތުވާތަކެއްޗާއެކު އައި ބަންގްލަދޭޝް މީހަކަށް އަނިޔާކުރާ ވީޑިއޯއެއް އާންމުކުރިއެވެ. އެ ވީޑިއޯ އާންމުވެފައި ވަނިކޮށް ފުލުހެއްގެ މައްޗަށް ކްރިމިނަލް ކޯޓުން ދައުވާ ވެސް ކުރިއެވެ. އަދި އެމައްސަލައިގެ ތަހުގީގު ފުލުހުން ހިންގީ ގާނޫނާ ޚިލާފަށް ކަމަށް ހައި ކޯޓުން ދާދިފަހުން ނިންމި އެވެ.
އެ މައްސަލަ ދައުލަތުން އިސްތިއުނާފް ކުރުމަށްފަހު ސުޕްރީމް ކޯޓުން މިއަދު ކުރި ހުކުމުގައިވަނީ އެއް އިދާރާއަށް ވުރެ ގިނަ އިދާރާއަކަށް ތަހުގީގު ހިންގުމުގެ ބާރު ލިބޭ ނަމަ، ތަހުގީގު ހިންގަން ޖެހޭނީ އެ މުއައްސަސާއަކާ ގުޅިގެން ކަމަށެވެ.
މިއަދު ކްރިމިނަލް ކޯޓުގައި ކުރިއަށް ގެންދިޔަ ޝަރީއަތުގައި އެ މައްސަލަ ބެއްލެވި ފަނޑިޔާރު އައިޝާ ޝުޖޫން މުހައްމަދާއި ފަނޑިޔާރު ހުސްނުއްސުއޫދާއި ފަނޑިޔާރު އަލީ ރަޝީދުވެސް ވަނީ ފުލުހަކު ޖިނާއީ ކުށެއް ކުރި ކަމަށް ބުނާ މައްސަލަ ބަލަން ކޮމިޝަންގެ ގާނޫނުގައި ވެސް އޮންނާތީ ބައިވެރިކުރަން ޖެހޭނެ ކަމަށެވެ.
Advertisement
This content is created and paid for by advertisers and does not involve Voice Journalists
