މަޖިލީހުގެ ރައީސް މުހައްމަދު ނަޝީދުވެސް މިހާރު ހުންނެވީ ކޮމްޕްރޮމައިސް ވެފައިކަމަށް ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމު ވިދާޅުވެއްޖެއެވެ.
ޝިޔާމު މިފަދައިން ވިދާޅުވެފައިވަނީ ހުޅުމާލެއިން ގެއްލުނު ޒުވާނާ ހޯދުމުގައި ފުލުހުން އިހުމާލުވެފައިވާކަން ފާހަގަކުރައްވާ މަޖިލީހަށް ހުށައެޅި ކުއްލި މައްސަލައަށް ވާހަކަދައްކަވަމުންނެވެ.
އެ މައްސަލައާއި ގުޅިގެން ޝިޔާމު ވިދާޅުވީ އަޒުހާނު ހޯދުމުގައި ފުލުހުން އިހުމާލުވެފައިވާކަމީ ފެންނަން އޮތް ހަގީގަތެއްކަމަށެވެ.
އެވާހަކައާއި ގުޅުވާ ޝިޔާމު ވިދާޅުވީ ފުލުހުން ޒިންމާދާރު ކަމާއެކު މަސައްކަތް ކުރުވުމަށް ބާރު އަޅާނެ މުއައްސަސާއެއްވެސް މިހާރު ނެތްކަމަށް ޝިޔާމު ވިދާޅުވިއެވެ. އަދި ވިދާޅުވީ ގޮތް ނޭނގޭ މަރުތަކާއި ގެއްލުވާލާފައިވާ މީހުންގެ މައްސަލަތައް ބެލުމަށް ހަދާފައިވަ މަރު ކޮމިޝަނަށްވެސް ނެރެދެވުނު އެއްވެސް ނަތީޖާއެއް ނެތްކަމަށް ޝިޔާމު ވިދާޅުވިއެވެ.
އެކަންކަން ފާހަގަކުރައްވާ ޝިޔާމު ވިދާޅުވީ މިއަދު ހުރިހާ މުއައްސަސާއެއްވެސް ވަނީ ކޮމްޕްރޮމައިސް ވެފައިކަމަށެވެ. މަޖިލީހުގެ ރިޔާސަތުގައި އިންނެވި އެމްޑީޕީގެ މުހައްމަދު ނަޝީދުވެސް މިހާރު ހުންނެވީ ކޮމްޕްރޮމައިސްވެފައިކަމަށް ޝިޔާމު ވިދާޅުވިއެވެ.
ނަޝީދު ކޮމްޕްރޮމައިސްވީ އޭނާގެ ކޮއްކޮ ނާޒިމް ސައްތާރުގެ މައްޗަށް އެއްޖިންސުން ގުޅުން ހިންގިކަން ސާބިތުވުމުންވެސް ދިން ލުއި އަދަބުގެ ސަބަބުންނާއި ނަޝީދުގެ އިތުބާރު ނެތްކަމުގެ ވޯޓު ނެގުމަށް ކުރެވުނު މަސައްކަތުގެ ސަބަބުންކަމަށް ޝިޔާމު ވިދާޅުވިއެވެ.
"ކޮބާތޯ މަރުކޮމިޝަން ފެެއިލްވީމަ މަޖިލީހުން ކުރަން ޖެހޭ މަސައްކަތް. ނެތޭ އިއްޒަތްތެރި ރައީސް. އަޅުގަނޑަށް މިހާރު ހީވަނީ އިއްޒަތްތެރި ރައީސް ވެސް ކޮމްޕްރޮމައިސް ވެފަ އިންނަހެން. ކޮންމޮރިމައިސްވެފަ ތި އިންނެވީ، ގޭ ކުއްޖަކު ޖައްޔަރަށް ނުލައި ގޭގައި ބަހައްޓައިގެން ކޮމްޕޮރޮމައިސް ވެފަ ތި އިންނެވީ، 42 މެމްބަރުންގެ ސޮއި ފައްޔާޒު އަތުގައި އޮވެގެން ކޮމްޕްރޮމައިސް ވެފަ ތި އިންނެވީ"
ނައިފަރު ދާއިރާގެ މެމްބަރު ޝިޔާމު
ޝިޔާމުގެ އެ ވާހަކަތަކަށްފަހު ނަޝީދު ވަނީ އެމަނިކުފާނު ކޮމްޕްރޮމައިސް ނުވާކަމަށް ވިދާޅުވެފައެވެ. އަދި މަޖިލީހުގައި ނަޝީދުގެ އިތުބާރު ނެތްކަމުގެ ވޯޓު ނެގުމަށް މަސައްކަތް ކުރި ނަމަވެސް އެކަމަށްޓަކައި އެއްކުރެވުނީ އެންމެ 12 ވޯޓުތަކަމަށް ނަޝީދު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
