ހުޅުމާލެއިން ގެއްލުނު އުމުރުން 27 އަހަރުގެ މުހައްމަދު އަޒުހާނު ހޯދުމުގައި ފުލުހުން އިހުމާލުވެފައިވާކަން ބަޔާންކޮށް މަޖިލީހަށް ހުށައެޅި ކުއްލި މައްސަލަ ބަލައިނުގަތުމަށް އެމްޑީޕީގެ ޕާރަމެންޓްރީ ގްރޫޕުގެ ލީޑަރޝިޕުން ވިޕްލައިން ނެރުނީ އެ މައްސަލައަކީ މިހާރުވެސް ތަހުގީގު ކުރެވުމްދާ މައްސަލައަކަށް ވާތީކަމަށް އެމްޑީޕީ ޕާލިމެންޓަރީ ގްރޫޕްގެ ޑެޕިއުޓީ ލީޑަރު އަދި މަޖިލީހުގެ ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސެއިން) ވިދާޅުވެއްޖެއެވެ.
އަނދުން ހުސެއިން މިފަދައިން ވިދާޅުވެފައިވަނީ އަޒުހާނު މައްސަލަ ބޭރުކޮށްލުމަށް އެމްޑީޕީގެ ޕީޖީ ގުރޫޕުގެ ލީޑަރޝިޕުން ވިޕްލައިން ނެރުމާއި ގުޅިގެން އެ ޕާޓީގެ ބައެއް މެމްބަރުން ނުރުހުން ފާޅުކުރުމާއި ގުޅިގެން ރައްދުދެއްވަމުންނެވެ.
އެގޮތުން އެ މައްސަލައިގައި ވިޕްލައިން ނެރުނީ، އެ މައްސަލައަކީ މިހާރުވެސް ބަލަމުންދާ މައްސަލައަކަށް ވާތީކަމަށް އަނދުން ހުސެއިން ވަނީ ވިދާޅުވެފައެވެ.
"މި މައްސަލަ ލިޔެފައި އޮތް ގޮތުން ވިޕްލައިން އެޅީ. އެއީ މި މައްސަލައަކީ މިހާރު ތަހުގީގު ނިންމާ މި މައްސަލަ އިތުރަށް ނުބަލަން އަދި މި ފެނުނު ހަށިގަނޑު ވަޅުލާ އިތުރަށް މީގެ ތަހުގީގު ކުރިއަށް ނުގެންދެވޭނެ އެއްވެސް ގޮތަކަށް އަމަލުކޮށްފައިވާ މައްސަލައަކަށް މިކަން ނުވާތީ"
އެމްޑީޕީގެ ޑެޕިއުޓީ ޕީޖީ ލީޑަރު ހުސައިން ޝަހީމް
އެކަން ފާހަގަކުރައްވާ އަނދުން ހުސެއިން އިތުރަށް ވިދާޅުވީ ހުޅުމާލެއިން ޒުވާނަކު ގެއްލުނު މައްސަލައާއި ގުޅިގެން ފުލުހުން ވަރަށް ތަފްސީލީ ނޫސްބަޔާނެއް ނެރެފައިވާކަމަށެވެ. އަދި އެ ބަޔާނުގައި އެ ޒުވާނާ ހޯދުމަށް ފުލުހުން ކޮށްފައިވާ މަސައްކަތް ވަރަށް ތަފްސީލުކޮށް ބަޔާންކޮށްފައިވާކަން އަނދުން ހުސެއިން ފާހަގަކުރެއްވިއެވެ.
އަނދުން ހުސެއިން އިތުރަށް ވިދާޅުވީ ހުޅުމާލެއިން ގެއްލުނު ޒުވާނާ ހޯދުމުގައި ފުލުހުން އިހުމާލު ވެފައިވާކަމަށް ބުނި ނަމަވެސް އެ ޒުވާނާ ހޯދާފައިވަނީ ފުލުހުން ކުރި މަސައްކަތުންކަމަށެވެ. އަދި ފުލުހުން އެކަން ކޮށްފައިވަނީ އެމީހުންގެ އަތުގައި ހުރި މަދު ވަސީލަތްތައް ބޭނުންކޮށްގެންކަމަށެވެ.
އެ މައްސަލަ ބަލައިގަތުމާއި ދެކޮޅަށް ވިޕްލައިން ނެރުނީ މި ހުރިހާކަމެއް މިގޮތަށް ހުރުމުންކަން އަދުން ހުސެއިންގެ ވާހަކައިގައި ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
