ހުޅުމާލޭ ދެ ވަނަ ފިޔަވަހީގެ ބީޗު ފްރަންޓުން ގޯތި ވިއްކަން ހުޅުވާލައިފިއެވެ.

ހުޅުމާލެއިން ގޯތި ވިއްކުމަށް ބީލަމަށް ހުޅުވާލާފައި ވަނީ ދެ ސަރަހައްދަކުންނެވެ. އެއީ "ބީޗް ޕްރަންޓް" (އަތިރިމައްޗާ ކުރިމަތިން) އަދި "ބީޗް ސައިޑް" (އަތިރިމައްޗާ ކައިިރިން) ނެވެ.

ހުޅުމާލޭ ދެ ވަނަ ފިޔަވަހީގެ ބީޗު ފްރަންޓުން ވިއްކަން އެޗްޑީސީން އިއުލާނު ކުރި 22 ގޯއްޗަށް އަކަފޫޓަކަށް 8،251 އެވެ. މިއީ އެ ބިންތަކަށް ހުށަހަޅާފައިވާ އެންމެ ބޮޑު އަގެވެ.

ދެވަނަ ފިޔަވަހިން އެޗްޑީސީން ދޫކުރަން މިފަހަރު ނިންމާފައިވަނީ 1،095.05 އަކަފޫޓާއި 2،588.14 އަކަފޫޓާ ދެމެދުގެ ގޯއްޗެވެ.

އެގޮތުން މިއަދު ހެނދުނު ވަނީ ބީޗް ފްރަންޓުން ދޫކުރާ ގޯއްޗަށް ބީލަން ފޯމު ހުށަހެޅުން ކުރިއަށް ގެންގޮސްފަ އެވެ. ބީޗް ސައިޑުގެ ގޯއްޗަށް ބީލަން ފޯމު ހުށަހެޅުން މާދަމާ ހެނދުނު 9:00 އިން 11:00 އަށް ކުރިއަށްދާއިރު، ބީލަން ފޯމު ހުޅުވާލާނީ މެންދުރު 12:15 ގައެވެ.

ބީލަން ފޯމު ބަލައިގަތުމާއި ހުޅުވުން ކުރިއަށް ދަނީ ހ. މީރުމާ ދެ ވަނަ ފަންގިފިލާގައި ހުންނަ ކީރަންމާ މާލަމުގަ އެވެ.