ވޯޓާ ސްޕޯޓްސް ނުވަތަ މޫދު ކުޅިވަރަކީ ޒުވާނުންނާއި ކުޑަކުދިންގެ މެދުގައިވެސް މަގުބޫލު ކުޅިވަރެކެވެ. ލިބޭ ބަންދު ދުވަސްތަކާއި، ހުސްވަގުތު ތަކުގައިވެސް އާއިލާއާއި އެކު ނުވަތަ ބައިވެރިޔާއާއި އެކު ނޫނީ ރަހުމަތްތެރިންނާއި އެކު ނުވަތަ އެކަނިވިޔަސް މޫދު ކުޅިވަރުގެ އެކި ހަރަކާތްތަކުގައި ބައިވެރިވެ ފޯރި ނަގާ މީހުން ހަމަ ޔަގީނުންވެސް މަދެއް ނުވާނެއެވެ. 

އެފަދަ އެންމެހައި ފަރާތްތަކަށް ހުޅުމާލޭގައި ހުންނަ "ވައިޓް ބީޗް ވޯޓާ ސްޕޯޓްސް" އަކީ އެއްވަނައިގެ ތަނެކެވެ. އެހެނީ އެތަނަކީ ވޯޓާ ސްޕޯޓްސްގެ ހުރިހާ ވައްތަރެއް އެއް ތަނުން ލިބެން ހުންނަ ތަނެކެވެ. އެއީ މޮޓޮރައިޒް ވިޔަސް، ނަން މޮޓޮރައިޒް ވިޔަސް، އެކްސްޓްރީމް ވިޔަސް، ހުރިހާ ވައްތަރެއްގެ މޫދު ކުޅިވަރެއްްގެ އަޖުމަ ބަލާލެވެން ވައިޓް ބީޗް ވޯޓާ ސްޕޯޓްސް ހުންނާނެއެވެ. 

ވައިޓް ބީޗު ވޯޓާ ސްޕޯޓްސް -- ފޮޓޯ: ވޮއިސް

ވައިޓް ބީޗް ވޯޓާ ސްޕޯޓްސް އަށްދާ ފަރާތްތަކުގެ ތެރެއިން މޫދު ކުޅިވަރަށް ފަރިތަ ނޫން، ނުވަތަ އަލަށް ވޯޓާ ސްޕޯޓްސްގައި ބައިވެރިވާ އެކަމުގެ ތަޖުރިބާ ނެތް މީހުންވެސް އެކަން ކުރަން ނޭނގޭތީ ބިރުން ހާސްވާކަށް ނުޖެހޭނެއެވެ. އެހެނީ، އެތަނަކީ ވޯޓާ ސްޕޯޓްސް އާއި ގުޅުން ހުރި ސާމާނު ހަމައެކަނި ފޯރުކޮށްދޭ ތަނެއް ނޫނެވެ. އެހެނެއް ކަމަކު އެތަކެތި ބޭނުންކުރާނެ ގޮތުގެ އިރުޝާދުދީ އެކުޅިވަރުތަކުގައި އެހީ ބޭނުންވާ ފަރާތްތަކަށް އެހީތެރިކަންވެސް ފޯރުކޮށްދޭ ތަނެކެވެ. 

ވައިޓް ބީޗުގެ ހަރަކާތެއްގައި ބަޔަކު ބައިވެރިވަނީ-- ފޮޓޯ: ވޮއިސް

ވައިޓް ބީޗް ވޯޓާ ސްޕޯޓްސް އިން ޗުއްޓީ ތަކާއި ދިމާކޮށް ދިވެހިންނަށްވެސް ޚާއްސަ ޕެކޭޖްތައް ދެމުންދެއެވެ. އެގޮތުން، ވޯޓާ ސްޕޯޓްސް ބޭސިކް ޕެކޭޖް ނަގާ ފަރާތްތަކަށް ހިލޭ، ވޯޓާ ސްޕޯޓްސް ގެ އެކި އެކްޓިވިޓީ ތަކުގައި ބައިވެރި ވުމުގެ ފުރުސަތު އެ މަހުގައި ލިބިގެންދެއެވެ. އެ ޕެކޭޖްތައް ނަގާ ފަރާތްތަކަށް އެ މަސް އެއްކޮށް ޕެކޭޖްގެ ދަށުން ލިބޭ ހަރަކާތްތައް އެމީހަކު ބޭނުން ދުވަހަކު އައިސް ޓްރައި ކޮށްލެވޭނެއެވެ. 

ވައިޓް ބީޗުގެ ހަރަކާތެއްގައި ބަޔަކު ބައިވެރިވަނީ-- ފޮޓޯ: ވޮއިސް

ވޯޓާ ސްޕޯޓްސް އަކީ ހަމައެކަނި ސަކަރާތްޖަހާ މަޖާ ކޮށްލަން ބައިވެރިވާންވީ ކުޅިވަރެއް ނޫނެވެ. މިއީ ކަސްރަތު ކުރާ މީހުންނަށްވެސް ވަރަށް ފައިދާ ކުރާނެ ކުޅިވަރެކެއެވެ. އެގޮތުން ސްޓޭންޑް އަޕް ޕެޑަލް، ނޫނީ ކޮޅަށް ހުރެގެން ފަލިޖަހާ މޫދު ކުޅިވަރު ހަރަކާތަކީ މީހާގެ މުޅިހަށިގަނޑަށްވެސް އޭގެން އަސަރު ކުރުވާ، ފައިދާހުރި ކަސްރަތެކެވެ. ސްޓޭންޑްއަޕް ޕެޑަލް ބޭނުން ކޮށްގެން ކަސްރަތު ކޮށްލަން ބޭނުންވާ ދިވެހިންނަށް ހެޔޮ އަގުގައި ފަސޭއިން އެކަން ކުރެވޭނެ މަގުފަހި ކޮށްދިނުމަށް ވައިޓް ބީޗް ވޯޓާ ސްޕޯޓްސް އިން ވަނީ ޚާއްސަ ޕެކޭޖެއް ތައާރަފްކޮށްފައެވެ. ކޮންމެ ދުވަހަކު އައިސް ލާރި ދައްކައި އެކަމާ އުޅުމުގެ ބަދަލު، މި ޕެކޭޖް ނެގުމުން މުޅި މަސް އެއްކޮށް އިތުރު ފީއެއް ނުދައްކައި ސްޓޭންޑްއަޕް ޕެޑަލް ހަރަކާތުގައި ބައިވެރިވެވޭނެއެވެ. 

ވައިޓް ބީޗު ވޯޓާ ސްޕޯޓްސް -- ފޮޓޯ: ވޮއިސް

އެހެންކަމުން ޖެޓް ސްކީ ދުއްވާލަން ނުވަތަ ކެނޯ ދުއްވާލަން އެނޫންވެސް މޫދުކުޅިވަރެއް ޓްރައި ކޮށްލަން ބޭނުން ނަމަ، ލަސްނުކޮށް ހުޅުމާލޭގައި ހުންނަ ވައިޓް ބީޗް ވޯޓާ ސްޕޯޓްސް އަށްގޮސް ބުނެލުމުން ނުވަތަ 7654300 ގުޅާލުމުންވެސް އެކަން ފަސޭހަ ކަމާއެކު ހަމަޖެހިގެންދާނެއެވެ.