މާލެ އާއި ހުޅުމާލޭގައި ފުލުހުން ރޭ ހިންގި ހާއްސަ އޮޕަރޭޝަނެއްގެ ތެރެއިން 13 ކިލޯގެ ޑްރަގްސްއާ އެކު ގިނަ އަދަދެއްގެ ފައިސާ އަތުލައިގެންފި އެވެ.
ޕޮލިސް ކޮމިޝަނަރު މުހައްމަދު ހަމީދު މިއަދު މެންދުރު ކުރެއްވި ޓުވީޓެއްގައި ވިދާޅުވީ، ރޭ ދަންވަރު ފުލުހުންގެ ކައުންޓާ ނާކޮޓިކްސް އިންޓެލިޖެންސާއި ޑްރަގް އެންފޯސްމަންޓް ޓީމު ގުޅިގެން، މާލެ އާއި ހުޅުމާލޭގެ ބައެއް ތަންތަން ރެއިޑްކޮށް، ހިންގި އޮޕަރޭޝަނެއްގައި ގިނަ އަދަދެއްގެ މަސްތުވާތަކެތި އަތުލައިގެންފައިވާ ކަމަށެވެ.
އެގޮތުން، މާލޭގެ ދެ ގެއަކުންނާއި ހުޅުމާލޭގެ ގެސްޓް ހައުސްއަކުން 13.56 ކިލޯގެ މަސްތުވާތަކެއްޗާއި 644،020ރ.ގެ ނަގުދު ފައިސާ އަތުލާފައިވާ ކަމަށް ކޮމިޝަނަރު ވިދާޅުވި އެވެ.
"މި މައްސަލަ އިތުރަށް ތަހުގީގުކުރަމުން ގެންދާނަން،" ޕޮލިސް ކޮމިޝަނަރުގެ ޓުވީޓުގައިވެ އެވެ.
ދާދިފަހުންވެސް ފުލުހުންވެސް މާލެ ސަރަހައްދުގައި ހިންގި އޮޕަރޭޝަނެއްގެ ތެރެއިން މަސްތުވާތަކެއްޗާއި އެކު ގިނަ އަދަދެއްގެ މީހުން ވަނީ ހައްޔަރުކޮށްފައެވެ.
Advertisement
This content is created and paid for by advertisers and does not involve Voice Journalists
