ރައްޔިތުންގެ މަޖިލީހުގެ މަސައްކަތްތަކާއި، ރައީސް ނަޝީދު ރާއްޖޭގެ ސިޔާސީ ކަންކަމުގައި ދެކިވަޑައިގަންނަވާގޮތް ހާމަކުރެއްވުމަށް ބާއްވަމުން އަންނަ "އާސްކް ސްޕީކާ" ސިލްސިލާގެ ހަވަނަ ޕްރޮގްރާމް ޑިސެންބަރު 1 ވަނަ ދުވަހު ބާއްވަން ނިންމައިފިއެވެ.

ރައްޔިތުންގެ މަޖިލީގެ އިދާރާއިން އިންތިރާމްކޮށް ބާއްވާ މި ސިލްސިލާގައި ރައްޔިތުންގެ ސުވާލުތައް ސީދާ މަޖިލިސް ރައީސް، ރައީސް މުހައްމަދު ނަޝީދުއާއި ކުރުމަށް ހުޅުވާލެވޭނެއެވެ. 

މިފަހަރުގެ ޕްރޮގްރާމް ދިމާވަނީ ވޯލްޑްކަޕް ދުވަސްކޮޅާ ކަމުން މިފަހަރުގެ ޕްރޮގްރާމް ގެނެސްދިނުމަށް ހަމަޖެހިފައިވަނީ މެންދުރު 2:15 ގައެވެ.

Advertisement

ކުރިން ޕީއެސްއެމްގައި ނަގަމުން އައި މި ޕޮރްގްރާމް މިފަހަރު ނެގުމަށް ހަމަޖެހިފައިވަނީ މަޖިލިސް އިދާރާގައެވެ. 

އާސްކްސްޕީކާ" ގެ ހަ ވަނަ ޕްރޮގްރާމް ބާއްވަން ނިންމާފައި މިވަނީ އެމްޑީޕީގައި ރަައީސް ނަޝީދާއި ރައީސް ސޯލިހްގެ ފެކްޝަނެއް އުފެދި ދެ ފެކްޝަންގެ މެދުގައި ވަރުގަދަ ބަހުގެ ހަމަލާތަކެއް ބަދަލު ކުރެވެމުންދާ ވަގުތެއްގައެވެ. އެހެންކަމުން މި ޕްރޮގްރާމްގައި ރައީސް ޞާލިހްއަށް އަމާޒުކުރައްވައި ބަހުގެ ހަމަލާތަކެއް ދެއްވާނެކަމަށް ބެލެވެއެވެ.

އެމްޑީޕީގެ އެތެރޭގެ ކޯޅުންބޮޑުވެ، ރައީސް ނަޝީދާއި، ރައީސް ޞާލިހްގެ ފެކްޝަން ދެމެދު ހޫނު ބަހުގެ ހަމަލާތަކެއް ދެމުންގެންދާއިރު، ރައީސް ނަޝީދު ވަނީ ކުރިއަށް އޮތް ރިޔާސީ އިންތިހާބުގައި ރައީސް ސޯލިހަށް ދެވަނަ ދައުރެއް ދިނުމަށް ފެނިވަޑައިނުގަންނަވާ ކަމަށް ވިދާޅުވެފައެވެ.