ހުކުރު ދުވަހަކީ ހުރިހާ އެންމެނަށްވެސް ވަރަށް ޚާއްސަ ދުވަހެކެވެ. އެހެންކަމުން މިއަދު މޮ ގެނެސްދެނީ މި ޚާއްސަ ދުވަހު، މެންދުރު ކެއުމަށްފަހު އަނގަ ފޮނިކޮށްލަން ކާލާނެ ވަރަށް ވެސް މީރު ޑެޒާޓެކެވެ. 

1 ޕެކެޓް ވިޕިން ކްރީމް

Advertisement

1 ދަޅު ގެރި ކިރު

5 މޭޒުމަތީ ސަމުސާ މައިލޯ ނުވަތަ 3 މޭޒުމަތީ ސަމުސާ ކޮކޯ ޕައުޑަރ

ބޮޑު 4 ބޮނޑި ވެނީލާ އޯރިއޯ (އެތެރޭގައި ހުންނަ ކްރީމް ނަގާފައި)

1 ސައިސަމުސާ ވެނީލާ އެސެންސް 

1) އިލެކްޓްރިކް ހޭންޑް މިކްސަރަކުން ވިޕިން ކްރީމް ރަނގަޅަށް ވިޕް ކޮށްލާށެވެ. 

2) އެއަށްފަހު ގެރި ކިރު އަޅައިގެންވެސް ވިޕް ކޮށްލުމަށްފަހު މައިލޯ އާއި ވެނީލާ އެސެންސް އަޅާލުމަށްފަހު ރަނގަޅަށް އެކުލަވާލާށެވެ. 

3) ދެން ޓްރޭ އެއްގައި، ފުރަތަމަ އޯރިއޯ ލެޔާރ އެއް، އެއަށްފަހު ވިޕިން ލެޔާރ އެއް ގޮތަށް ވީޕިން ކްރީމް ހުސްވަންދެން އަތުރަމުންދާށެވެ. އެންމެ މައްޗަށް ބައިންދާނީ ވިޕިން ކްރީމް ލެޔާރ އެކެވެ. 

4) ބާކީ ހުރި އޯރިއޯ ކޮޅު ފުނޑު ކޮށްލާފައި މައްޗަށް އަޅާލުމަށްފަހު ފިނިކޮށްލައިގެން ކާލަންވީއެވެ.