ސީޒަ ސެލެޑަކީ ގިނަ ބައެއްގެ މެދުގައި މަގުބޫލު މީރު ސެލެޑެކެވެ. މިއީ ސައިޑް ޑިޝް އެއްގެ ގޮތަށް ކުކުޅާއި އެކުގަޔާއި، އިތުރު އެއްޗަކާއި ނުލައި ކާލަންވެސް ވަރަށް މީރު ސެލެޑެކެވެ. 

1/2 ޖޯޑު ސެލެޑް ޑްރެސިންގް (ރެމިއާ ބްރޭންޑް ގެ)

2 ޕާން ފޮތި (ކުދި ކޮށް ހަތަރެސްކަން ކޮށް ކޮށާފައި)

1 ޖޯޑު ކޮށާފައި ހުރި ކުކުޅު

2 ލޮނުމެދު (ގާނާފައި) 

ލޮނު

1 ބެލްޕެޕަރ (ކުދިކޮށް ކޮށާފައި) 

1/2 ޖޯޑު ގާނާފައި ހުރި ޗީޒް

ބޮޑު ލެޓިއުސް ފަތް ބޮނޑިއެއް (ކޮށާފައި)

އޮލިވް އޮއިލް 

1) ގާނާފައި ހުރި ލޮނުމެދާއި، ލޮނު ކޮޅެއްގައި ކުކުޅު ކޮޮޅު މެރިނޭޓް ކޮށްލުމަށްފަހު، ކުޑަ އޮލިވް އޮއިން ފޮދެއްގެ ތެރޭގައި ރަން މުށި ކުލަ އަރަންދެން ފްރައި ކޮށްލާށެވެ. 

2) ދެން، ޕާން ކޮޅުވެސް ހަމަ ކުކުޅު ތެލުލި ތަވައިގައި، ކުޑަ އޮލިވް އޮއިލް ފޮދެއްގެ ތެރޭގައި ރަން މުށި ކުލަ އަރަންދެން ފްރައި ކޮށްލާށެވެ. 

3) ބޮޑު ތައްޓެއްގައި ކުކުޅު ކޮޅާއި، ޕާން ކޮޅާއި، ލެޓިއުސް ފަތް ކޮޅާއި، ބެލް ޕެޕަރ އެއްކޮށްލާށެވެ. 

4) އެއަށްފަހު ސެލެޑް ގެ ތެރެއަށް ސެލެޑް ޑްރެސިންގް އަދި ޗީޒް އަޅާލުމަށްފަހު ވެސް މަޑުމަޑުން އެއްކޮށްލާށެވެ. ސެޒާ ސެލެޑް އެހުރީ ތައްޔާރު ވެފައެވެ.