އިންޑިއާ ގައި އިއްޔެ ބޭއްވުނު، އެތެރޭގެ އިންތިޚާބައި ދިމާކޮށް އެގައުމުގެ އަވަށެއްގައި ބޮޑުވަޒީރު ނަރެންދުރަ މޯދީ ގެ ސަރުކަާރުން ހެދި މަގުގެ ފެންވަރު ދަށް ކަމުން ގިނަ ބައެއްގެ ފާޑުކިޔުންތައް އަމާޒުވެއްޖެއެވެ
އިންޑިއާގެ ސްޓޭޓް ލެޖިސްލޭޓިވް އެސެމްބްލީގެ އިންތިޚާބާއި ދިމާކޮށް، ސަރުކާރުން ގިނަ ކަންކަމެއް ކޮށްދޭނެ ކަމަށް ވައުދުވެ، ކޮށްދީފައިވާ އިރު، އެ ކޮށްދިން ކަންކަން ކޮށްދީފައިވަނީ ވޯޓު ހޯދުމުގެ ނިޔަތުގައި، ރަހުމަތްތެރިންނާއި ހަވާލުކޮށްގެން ކަމަށް ފާޑުކިޔުންތެރިން އަންނަނީ ބުނަމުންނެވެ. އަދި އެ ހަދާ ތަންތަނުގެ ފެންވަރު ދަށްކަމުން އެއީ ބޭނުންވެސްކުރުން ހެޔޮވާ ވަރުގެ ތަންތަން ނޫން ކަމަށް އެ ފަރާތްތަކުން ބުނެއެވެ.
އެގޮތުން، އެ އިންތިހާބާއި ދިމާކޮށް އުއްތަރު ޕްރަދޭޝް ގެ ޑިއޯރިއާ އަވަށުގައި ސަރުކާރުން ތާރުއަޅައިގެން ހެދި މަގުގެ ފެންވަރު ދަށްވެ ވަރަށް ގިނަ ބައެއްގެ ފާޑުކިޔުންތައް ސަރުކާރަށް ވަނީ އަމާޒުވެފައެވެ. ސަރުކާރުން އެ އަވަށުގައި ހެދި މަގެއްގެ ވީޑިއޯ މީސްމީޑިއާގައި އާއްމު ވެފައިވާއިރު، އެ މަގުގައި އަޅާފައިވާ ތާރު، އަތުންވެސް ނައްޓާލެވެއެވެ.
އެފަދަ ފެންވަރުދަށް މަގެއް ސަރުކާރުން ވޯޓު ހޯދުމުގެ ނިޔަތުގައި ހަދައިދިން އިރު، އެތަނުގައި ދުއްވާތަކެެތި ދުއްވުމަކީވެސް އެއްވެސް ރައްކާތެރި ކަމެއް ނޫން ކަމަށް ގިނަ ބަޔަކު ވަނީ ބުނެފައެވެ. އަދި އެއީ ހަމައެކަނި އެ އަވަށުގެ ހާލަތު ނޫން ކަމަށާ، އެ ގައުމުގެ ގިނަ މަގު ތަކުގެ ހާލަތަކީ ހަމަ އެއީ ކަމަށްވެސް އެހެން މީހަކު ބުނެފައިވެއެވެ.
Advertisement
This content is created and paid for by advertisers and does not involve Voice Journalists
