ހދ ހަނިމާދޫ ބަނދަރު ތަރައްގީ ކުރުމުގެ މަޝްރޫުއުގެ ދަށުން ހާބަރ މޭވްމަންޓު ހެދުމުގެ މަސައްކަތުގެ 98 ޕަސެންޓު ނިންމައި މިހާރު ކުރިޔަށް ދަނީ ކޮންކުރިޓު ޖެޓީ ހެދުމުގެ މަސައްކަތް ކަމަށް އެމްޓީސީސީން ބުނެފި އެވެ.
މި މަޝްރޫޢުގެ ދަށުން، އައު ހާބަރ ބޭސިން ފުންކުރުމުގެ މަސައްކަތާއި، މިހާރު ހުރި ނެރު ފުންކުރުމުގެ މަސައްކަތާއި، ބޭރުތޮށި ލުމާއި، އެއްގަމުތޮށި ލުމާއި، ރިވެޓްމެންޓް ޖެހުމާއި، ގްރޮއިން ޖެހުމާއި، ރޭމްޕެއް ހެދުމާއި، ބްރިޖެއް ހެދުމާއި، ބަނދަރު ބައްތި ހަރުކުރުމުގެ މަސައްކަތް ނިމިފައި ވާކަމަށް އެމްޓީސީސީން ބުނެއެވެ.
މުޅި ޖުމްލަ 93 ޕަސެންޓު މަސައްކަތްތައް ވަނީނިމިފައެވެ.
މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުއަކީ 69.05 މިލިއަން ރުފިޔާގެ މަޝްރޫއެކެވެ.
Advertisement
This content is created and paid for by advertisers and does not involve Voice Journalists
