މަސްވެރިން ބޭނުންވަނީ ވަގުތީ ހައްލެއް ނޫންކަމަށައި،މަސްވެރިން ބޭނުއްވަނީ ދެމެހެއްޓެނިވި ހައްލެއް ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުޙައްމަދު ވަހީދު (ވައްޑެ) ވިދާޅުވެއްޖެ އެވެ.
ވައްޑެ މިފަދައިން ވިދާޅުވެފައި ވަނީ މަސްވެރިންގެ ދުވަހުގެ ޖަލްސާ ގައި ރައީސް ދެއްކެވި ވާހަކަ ފުޅުގައި މަސްވެރިންނަށް ދިމާވެފައިވާ މައްސަލަތައް އަންނަ އަހަރު ހައްލު ކޮށްދެއްވާނޭކަމަށް ވިދާޅުވުމާ ގުޅިގެން ކުރެއްވި ޓުވިޓް ގައެވެ.
އެގޮތުން ވައްޑެ ވިދާޅުވީ، މަސްވެރިކަމުގެ ‘ހަމައަގު’ ހޯދޭނެކަމަށް، މަސްވެރިންވެސް ބަލައިގަތް ސިޔާސަތު އޮތީ އެމްޑީޕީގެ މެނިފެސްޓޯގައިކަމަށެވެ. އެހެންނަމަވެސް މައްސަލައަކީ 4 އަހަރު ވީއިރު އެކަން ތަންފީޒު ނުކުރެވުން ކަމަށެވެ.
"މަސްވެރިން ބޭނުންވަނީ (އަނެއް އިންތިޚާބާ ދިމާކޮށް) ވަގުތީ ހައްލެއް ނޫން، ދެމެހެއްޓެނިވި ހައްލެއް. މަސްވެރިކަމުގެ ‘ހަމައަގު’ ހޯދޭނެކަމަށް، މަސްވެރިންވެސް ބަލައިގަތް ސިޔާސަތު، އެއޮތީ އެމްޑީޕީ މެނިފެސްޓޯގައި. މައްސަލައަކީ 4 އަހަރު ވީއިރު ތަންފީޒު ނުކުރެވުން." ވައްޑެ ވިދާޅުވިއެވެ.
ގދ. ފަރެސްމާތޮޑާގެ މަސްވެރިންނާއި އިއްޔެ ބައްދަލުކުރައްވައި މަސްވެރިން ޝަކުވާތަކާއި ކަންބޮޑުވުންތައް އަޑުއްސަވައި ދެއްކެވި ވާހަކަފުޅުގައި، ރައީސް ވިދާޅުވީ، މަސްވެރިކަމުގެ ސިނާއަތުގައި ހުރި ބޮޑެތި މައްސަލަތަށް އަންނަ އަހަރުގެ މެދަކާއި ހަމައަށް ހައްލުވެގެންދާނެ ކަމަށެވެ. އަދި މިހާރުވެސް މުޅި ރާއްޖޭގެ މަސްވެރިކަމުގެ ސިނާއަތުގައި ހުރި މައްސަލަތައް ޙައްލު ކުރުމަށް ސަރުކާރުން ގިނަ މަސައްކަތްތަކެއް ކުރައްވަމުން ގެންދާ ކަަމަށް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
