މާލެ ސަރަހައްދުގައި ދިރިއުޅޭ ރައްޔިތުން ދަތުރު ދިއުމަށްޓަކައި ކ.ކުޑަގިރި ފަޅުގައި ތަރައްގީކުރަމުންދާ ޕިކްނިކް އައިލެންޑް ކުޑަގިރިއަށް މުވައްޒަފުން ހޯދަން އިޢުލާނުކޮށްފިއެވެ.

އެޗްޑީސީން މިއަދު ކުރި އިޢުލާނެއްގައި ބުނީ  ކުޑަ ގިރި އައިލެންޑްގައި ހުރި ވަޒީފާތައް އިއުލާނުކޮށް އެ ކޯޕަރޭޝަނުން އޯޕަން ޑޭއެއް ފާހަގަކުރަން ނިންމާފައިވާ ކަމަށެވެ.

މި އޯޕަން ޑޭ އަންނާނީ ހޮނިހިރު ދުވަހު، ހެނދުނު 9:00 އިން މެންދުރު ފަހު 3:00 އަށް އެޗްޑީސީ ގެ ހެޑް އޮފީހުގައި ކަމަށް އެޗްްޑީސީން ބުނެފައިވެއެވެ.

ކުޑަގިރި އަށް 17 ދާއިރާއަކުން މުވައްޒަފުން ނަގަން ހަމަޖެހިފައިވެއެވެ. އަދި މަގާމުތަކުގެ މުސާރަތައް އުޅެނީ 8،500-23،500 ރުފިޔާ އާ ދެމެދުގައެވެ.

މިގޮތުން ކުޑަގިރި އައިލެންޑަށް ސެކިއުރިޓީ އެސިސްޓެންޓަކާއި ކްލީނަރެއްގެ މަގާމަށް އިއުލާނުކޮށްފައި ވާއިރު މުސާރަކަމުގައި ބުނެފައި ވަނީ 8،500 ރުފިޔާއެވެ.
ރޫމް އެޓެންޑެންޓަކާއި ރެކްރިއޭޝަން އެޓެންޑެއްގެ މުސާރަ ކަމުގައި ބުނެފައި ވަނީ 10،500 ރުފިޔާއެވެ.

ކުޑަގިރީގައި ތަރައްޤީކޮށްފައިވާ މިސްކިތަށް އިމާމެއް ހޯދަން އިއުލާނުކޮށްފައިވާއިރު މުސާރަ ކަމުގައި ބުނެފައި ވަނީ 12،500 ރުފިޔާއެވެ.

ރިސެޕްޝަނިސްޓަކާއި އެސިސްޓެންޓް އެކައުންޓް އޮފިސަރ އެއް ހޯދުމަށް އިޢުލާނުކޮށްފައިވާއިރު މުސާރަ ކަމުގައި ބުނެފައި ވަނީ 13،000 ރުފިޔާއެވެ.

އަދި އެގްޒެކިއުޓިވް ސެކެރަޓަރީއަކާއި، ސޭލްސް ރިޒަވޭޝަން ކޯޑިނޭޓަރަކާއި، ޓެނާންޓް މެނޭޖްމަންޓް ކޯޑިނޭޓަރަކާއި، މާކެޓިންގ އެންޑް ޕީއާރް ކޯޑިނޭޓަރަކާއި، ޕަރްޗޭސިންގ އެންޑް ސްޓޯރ ކޯޑިނޭޓަރަކާއި އެޗްއާރް އެންޑް ޓްރެއިނިންގް ކޯޑިނޭޓަރެއް ހިމެނޭހެން ލޭންޑް ސްކޭޕިން ކޯޑިނޭޓަރަކަށް އިޢުލާނުކޮށްފައިވާއިރު މުސާރަ ކަމުގައި ބުނެފައި ވަނީ 14،500 ރުފިޔާއެވެ.

މީގެ އިތުރުން މޮނިޓަރިންގް އެންޑް ސެކިއުރިޓީ ސުޕަވައިޒަރަކަށާއި، ރެކްރިއޭޝަން އެންޑް އިވެންޓްސް ސުޕަވައިޒަރަކަށް އިޢުލާނުކޮށްފައި ވާއިރު މުސާރައަކީ 17،000 ރުފިޔާ ކަމުގައި ބުނެފައި ވެއެވެ. އަދި އެކައުންޓެންޓެއް ހޯދަން އިޢުލާނުކޮށްފައިވާއިރު މުސާރަކަމުގައި ބުނެފައި ވަނި 23،500 ރުފިޔާއެވެ.