ސްކޭމްތައް މެދުވެރިކޮށް ފައިސާ ހޯދާ މައްސަލަތައް ހައްލު ކުރުމަށް މޯބައިލް ބޭންކިން ނުވަތަ އިންޓަނެޓު ބޭންކިން އިން ކުރާ މުއާމަލާތްތަކަށް ބޭނުންވާ ވަން ޓައިމް ޕާސްވޯޑް ނުވަތަ އޯޓީޕީ، އޮތެންޓިކޭޓާ އެޕްލިކޭޝަންސްތައް މެދުވެރިކޮށް ޖެނެރޭޓް ކުރެވޭ ގޮތް ހަދައި، ފައިސާގެ ޑިޖިޓަލް ޓްރާންސެކްޝަންތަކަށް ސަލާމަތީ އިތުރު ފިޔަވަޅެއް ބޭންކް އޮފް މޯލްޑިވްސް އިން އަޅައިފި އެވެ.
އެ ބަދަލާއެކު، ޑިސެމްބަރު 20، އިން ފެށިގެން އީމެއިލަށް އޯޓީޕީ ލިބޭ ގޮތް ހެދޭނީ ބޭންކުން އެމީހެއްގެ މައުލޫމާތު އިތުރަށް ޔަގީން ކުރުމަށްފަހެވެ. އެހެންކަމުން، ދެން އާންމު އުސޫލެއްގެ ގޮތުން އޯޓީޕީ ޖެނެރޭޓް ކުރެވޭނީ އެސްއެމްއެސް އަދި އޮތެންޓިކޭޓާސްގެ އެޕްލިކޭޝަންތަކުންނެވެ.
މި އޮތެންޓިކޭޓާ އެޕަކީ ވަކި ވަގުތެއްގެ ތެރޭގައި، ކޮންމެ 30 ސިކުންތަކުން ކޯޑު ޖެނެރޭޓް ކުރެވޭ ގޮތަށް އިންސްޓޯލްކުރެވޭ އެޕްލިކޭޝަނެކެވެ. އޮތެންޓިކޭޓާ އެޕް މިހާރު އިންޓަނެޓް ބޭންކިން ނުވަތަ މޯބައިލް ބޭންކިންގައި ބޭނުންކުރެވޭ ގޮތަށް އެކްޓިވޭޓް ކުރެވޭނެއެވެ.
ގޫގަލް އަދި މައިކްރޯސޮފްޓުން ވެސް އޮތެންޓިކޭޓާސް އެޕް ލިބޭނެ އެވެ. މޯބައިލް ބޭންކިންގެ ސެޓިންގްސްއަށް ގޮސް މިހާރު އޯތެންޓިކޭޓާސް އެޕްލިކޭޝަންސް އެނޭބަލްކޮށް އެއިން އޯޓީޕީ ޖެނެރޭޓް ކުރެވޭ ގޮތަށް ހެދޭނެ އެވެ. އެއިރުން އެފަދަ އެޕެއް ޑައުންލޯޑް ކުރަންޖެހޭނެ އެވެ.
"ސްކޭމްތަކުގައި އާންމުކޮށް އީމެއިލް ކޮންމްޕްރޮމައިޒްވޭ. މީގެ ނަތީޖާއަކީ އީމެއިލް އަށް އަންނަ އޯޓީޕީ، ސްކޭމް ހިންގާ ފަރާތްތަކަށް ލިބި، ކަސްޓަމަރުންގެ އެކައުންޓުން ޓްރާންސެކްޝަންތަކެއް ހެދުމަށް ފުރުސަތު ލިބިގެން ދިޔުން. އޮތެންޓިކޭޓާ އެޕް މެދުވެރިކޮށް އޯޓީޕީ ލިބޭގޮތް ހަމަޖެހިގެން ދިޔުމާއެކު އީމެއިލް ކޮމްޕްރޮމައިޒްވެފައިވާ ހާލަތެއްގައި ވެސް މުއާމަލާތްތައް ހިންގުމަށް އިތުރު ރައްކާތެރިކަމެއް ލިބިގެންދާނެ،" ބީއެމްއެލްއިން ނެރުނު ބަޔާނެއްގައި އެ ކުންފުނީގެ ސީއީއޯ ކާލް ސްޓުމްކާ ވިދާޅުވި އެވެ.
ބީއެމްއެލްއިން އިތުރަށް ބުނީ މަކަރާއި ހީލަތުން ފައިސާ ހޯދަމުންދާ ގޮތްތަކަށް ބަދަލުތައް އަންނަމުންދާއިރު، ބޭންކުން ވެސް ދަނީ ކަސްޓަމަރުންގެ ރައްކާތެރިކަމަށް މަސައްކަތްތައް ކުރަމުން ކަމަށެވެ. އަދި ބޭންކުން އެދެނީ ސްކޭމް ހިންގާ ފަރާތްތަކުން ބޭނުންކުރާ އުކުޅުތައް ދެނެގަނެ، އެއްވެސް ޒާތީ މައުލޫމާތެއް އެހެން ފަރާތަކާ ހިއްސާ ނުކުރުން ކަމަށްވެސް ބުނެފައިވެއެވެ.
އޮތެންޓިކޭޓަރ އެޕް އެކްޓިވޭޓް ކުރާނެ ގޮތް:
• އިންޓަނެޓް ނުވަތަ މޮބައިލް ބޭންކިންގ އެޕަށް ލޮގިންވުން
• މޮބައިލް އެޕް މެދުވެރިކޮށް އޮތެންޓިކޭޓާ އެކްޓިވޭޓް ކުރުމަށް 'މޯ"އަށް ފިތާލާ• "އެޕްލިކޭޝަންސް" އަށް ފިތާލުމަށްފަހު އެކްޓިވޭޓްކުރޭ
• އިންޓަނެޓް ބޭންކިން މެދުވެރިކޮށް އެކްޓިވޭޓްކުރާނަމަ "ސެޓިންގްސް" އަށް ފިތާލާ
• އެއަށްފަހު އެކްޓިވޭޓްކުރޭ
• ބޭނުންވާ އޮތެންޓިކޭޓަރ އެޕް ޑައުންލޯޑް ކުރުމަށްފަހު ޔުނީކް ކިއުއާރު ކޯޑް ސްކޭންކޮށްލާ
• ވެރިފިކޭޝަންއަށާއި އެކްޓިވޭޓް ކުރުމަށް އޮތެންޓިކޭޓާ ކޯޑު ޖަހާ
Advertisement
This content is created and paid for by advertisers and does not involve Voice Journalists
