ގުޅިފަޅުގައި ހިނގި އަލިފާނުގެ ހާދިސާއެއްގައި މުވައްޒަފަކު ގެއްލިފައިވާކަމަށް ބުނެ، އެމީހާ ހޯދާދިނުމަށް ގޮވާލާ ތިލަމާލެ ބްރިޖް މަސައްކަތް ކުރާ އިންޑިއާގެ އެފްކޯންސް އިންފްރާސްޓްރަކްޗާގެ މުވައްޒަފުން ގުޅީފަޅުގައި އިހްތިޖާޖް ކުރަންފަށައިފިއެވެ.
އެފްކޯންސް ކުންފުނީގެ މުވައްޒަފުން އިހްތިޖާޖް ކުރަން ފެށީ ބުރާސްފަތި ދުވަހުގެ މެންދަމު 12:30 ހާއިރު އެފްކޮންސް ކުންފުނީގެ މުވައްޒަފުންގެ އެކޮމަޑޭޝަންގައި ރޯވި އަލިފާނުގެ ހާދިސާގައި އެއް މުވައްޒަފަކު ގެއްލުނު މައްސަލައިގައިކަމަށް މައުލޫމާތު ލިބޭ.
ގުޅިފަޅުގައި މުޒާހަރާ ފެށުނުތާ ކުޑަ ވަގުތުކޮޅެއްގެ ތެރޭގައި ގެއްލުނު މީހާ ހޯދާދިނުމަށް ގޮވާލާ ހުޅުމާލޭގައި ދިރިއުޅޭ އެފްކޯންސް ކުންފުނީގެ މުވައްޒަފުންވެސް ވަނީ އިހުތިޖާޖު ކުރަން ފަށައިފައެވެ.
އެގޮތުން އެ މުވައްޒަފު ހޯދާ ހުރިހާ މުވައްޒަފުންނަށް މުސާރަ ދިނުމަށްވެސް އިހްތިޖާޖްގެ ބައިވެރިންވަނީ ގޮވާލާއިފައި.
އެފްކޯންސް ކުންފުނީގެ މުވައްޒަފުން މުޒާހަރާ ކުރަން ފަށާފައިވަނީ އަލިފާނުގެ ހާދިސާގައި މީހަކު ގެއްލިފައިވާކަން އެފްކޯންސްގެ މެނޭޖުމަންޓުގެ ސަމާލުކަމަށް ގެނައުމަށްފަހުވެސް މިހާތަނަށް އެއްވެސް ފިޔަވަޅެއް އަޅާފައި ނުވާތީކަމަށް މައުލޫމާތު ލިބެއެވެ.
އަދި އެފްކޯންސްގެ މުވައްޒަފުން ތިބުމަށް ގުޅިފަޅު އެކޮމޮޑޭޝަން ބްލޮކުގައި ދިރިއުޅެނީ ކިތައް މުވައްޒަފުންކަން އެފްކޯންސްގެ މެނޭޖުމަންޓަށް ނޭގޭކަމަށްވެސް އިހުތިޖާޖގެ ބައިވެރިން ދަނީ ބުނަމުންނެވެ.
މި މައްސަލައާއި ގުޅޭގޮތުން އެފްކޯންސްގެ މެނޭޖުމަންޓުންވެސް އަދި ޕްލޭނިން މިނިސްޓްރީއިން ވެސް ރަސްމީ ބަހެއް އަދި ލިބިފައެއް ނުވެއެވެ.
އެހެން ނަމަވެސް އެފްކޯންސްގެ މުވައްޒަފުން ގުޅިފަޅުގައި އިހުތިޖާޖު ކުރަން ފެށުމާއެކު، އެ ސަރަހައްދުގައި ފުލުހުން ހަރަކާތްތެރިވާން ފަށާފައިވާކަމަށް ފުލުހުންގެ އިދާރާއިން ވަނީ ހާމަކޮށްފައެވެ.
Advertisement
This content is created and paid for by advertisers and does not involve Voice Journalists
