ދިގު އިންތިޒާރަކަށްފަހު ޑާކް ރެއިން އެންޓަޓެއިންމަންޓުގެ ފިލްމު "ބީވީމާ" އަންނަ އަހަރުގެ ފެބުރުއަރީމަހު ޕްރިމިއާ ކުރާނެކަން އިއުލާނުކޮށްފި އެވެ.
އަހްމަދް ޒަރީރް ލިޔެ / ޑައިރެކްޓް ކޮށްފައިވާ "ބީވީމާ" ގެ މަސައްކަތް ނިމިފައި އޮންނަތާ ގިނަ ދުވަސްތަކެއް ވެފައިވާއިރު، ފިލްމު އާންމުންނާއި ހަމަޔަށް ނުގެނެވި ލަސްވެފައިވަނީ އޮލިމްޕަސް ބަންދުކުރުމާއި ގުޅިގެންނެވެ.
ކޯވިޑްއާއި ގުޅިގެން އޮލިމްޕަސް ބަންދުކުރުމަށްފަހު އެތަން މަރާމާތު ކުރުމުގެ މަސައްކަތް ވަނީ ފަށައިފައެވެ. އެހެން ނަމަވެސް މިއަދާއި ހަމަޔަށް އެ މަސައްކަތް ނުނިމި ވަނީ ދިގުލައިގެން ގޮސްފައެވެ.
އެހެން ނަމަވެސް އަންނަ ޖެނުއަރީއިން ފެށިގެން އޮލިމްޕަސް ކުއްޔަށް ދޫކުރަން ނިންމާފައިވާކަމަށް، ނެޝަނަލް ސެންޓަރފޯދި އާރޓްސްއިން ވަނީ އިއުލާނުކޮށްފައެވެ.
އެއާއެކު "ބީވީމާ" ވެގެންދާނީ، އަންނަ އަހަރު އޮލިމްޕަހުގައި އަޅުވާ ފުރަތަމަ ފިލްމަަށެވެ.
Advertisement
This content is created and paid for by advertisers and does not involve Voice Journalists
