ރ. އަތޮޅު އިނގުރައިދޫ ބަނދަރު ނެރުފައިކަށި ހެދުމުގެ މަޝްރޫއުގެ މަސައްކަތް ކުރުމަށް އެމްޓީސީސީއާ ހަވާލުކޮށްފި އެވެ.

މި މަޝްރޫއުގެ އެއްބަސްވުމުގައި ޕްލޭނިންގ މިނިސްޓްރީގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫގެވެ. އަދި އެމްޓީސީސީގެ ފަރާތުން މި އެއްބަސްވުމުގައި ސޮއި ކުރެއްވީ އެމްޓީސީސީގެ ސީއޯއޯ ޝާހިދު ހުސައިން މޫސާ އެވެ.

17.1 މިލިަން ރުފިޔާގެ މި މަޝްރޫއުގެ މަސައްކަތް އެމްޓީސީސީއާ ހަވާލުކޮށްފައިވަނީ 180 ދުވަހުގެ ތެރޭ ނިންމާ ގޮތަށެވެ.

މި އެއްބަސްވުމުގެ ދަށުން އިނގުރައިދޫ ބަނދަރު 370.00 ކިއުބިކް މީޓަރ އަށް އަދި ނެރު 6394.50 ކިއުބިކް މީޓަރ އަށް ފުންކޮށް،  86 މީޓަރ ނެރު ބްރޭކްވޯޓަރ ޖެހުމުގެ މަސައްކަތާއި 59 މީޓަރ ބްރޭކްވޯޓަރ ޖެހުމުގެ މަސައްކަތާއި 150 މީޓަރ އިރުމަތީ ފަރާތު ބްރޭކްވޯޓާ ޖެހުމުގެ މަސައްކަތް އަދި 02 ނެވިގޭޝަން ލައިޓު ހަރުކުރުމުގެ މަސައްކަތްވެސް ކުރިއަށް ގެންދިޔުމަށް ހަމަޖެހިފައިވާ ކަމަށް ޕްލޭނިންގ މިނިސްޓްރީން ބުނެއެވެ.