އިންޑިއަން ޑިޝް ތަކަކީ ދިވެހިންގެ މެދުގައި ވަރަށް މަގުބޫލު ކެއުންތަކެކެވެ. ޚާއްސަކޮށް އިންޑިއާ މީހުން ތައްޔާރުކޮށް އުޅޭ ފޮނި ބާވަތްތަކަށް ލޯބިކުރާ ވަރަށް ގިނަ ދިވެހިން އުޅެއެވެ. އެހެންކަމުން، 'ވޮއިސް' ގެ ބަދިގެއިން މިއަދު މި ގެނެސްދެނީ ދިވެހިންގެ މެދުގައި ވަރަށް މަގުބޫލު ފޮނިބާވަތެއް ކަމަށްވާ ގުލާބް ޖާމުން ތައްޔާރުކުރާނެ ގޮތެވެ. 

1 ޖޯޑު ހިކިކިރު (ނީޑޯ / ނުވަތަ ބޭނުން ވައްތަރެއް)

1/2 ސައިސަމުސާ ބޭކިންގް ޕައުޑަރ

1 ޖޯޑު ފުށް

½ ސައިސަމުސާ މުގުރި ކާފޫރުތޮޅި

½ ޖޯޑު ދިޔާކިރު

70ގ ބަޓަރ (ދިޔާ ކޮށްފައި) 

ތެޔޮ

1 ޖޯޑު ހަކުރު

2 ޖޯޑު ފެން

5 ކާފޫރުތޮޅި

1 ސައިސަމުސާ ވެނީލާ އެސެންސް 

1. ފަނި ކައްކަން ބޭނުންވާ ތަކެތީގެ ތެރެއިން ވެނީލާ އެސެންސް ނޫން އެހެން ހުރިހާ އެއްޗެއް ތެއްޔަކަށް އަޅައި 15-20 މިނެޓު ވަންދެން މަޑު ގިނީގައި ކައްކާށެވެ. ފެން އެއަށްފަހު ވެނީލާ އެސެންސް އަޅާލުމަށްފަހު ރަނގަޅަށް އެއްކޮށްލުމަށްފަހު ތެލި އުނދުން މަތިން ބާލާށެވެ.

2. ދެން ހިކިކިރާއި، ބޭކިންގް ޕައުޑަރއާއި, ފުށްކޮޅާއ، ބަޓަރ އާއި މުގުރި ކާފޫރުތޮޅިކޮޅު ބޯތަށްޓަކަށް އަޅާ އެއްކޮށްލާށެވެ.

3. އެއަށްފަހު ފުށްގަނޑު މޮޑެމުން މަޑުމަޑުން ދިޔާކިރުކޮޅު އަޅާނީއެވެ. ދިޔާކިރު އަޅާއިރު އެއްފަހަރާ އެ އޮއްސާލުމުގެ ބަދަލުގައި އެތިކޮޅަކުން އެތިކޮޅަކުން އަޅާށެވެ. 

4. ދެން އަތުގައި ކުޑަ ތެޔޮ ފޮދެއް އުނގުޅާ ލުމަށްފަހު، މޮޑުނު ފުށްގަނޑުން ގުޅަ ވަށާނީއެވެ. ވަށާނީ އާދައިގެ ފަސްއޮށެއްގެ ސައިޒަށެވެ. ގުޅަވަށާއިރު ވީހާވެސް ބާރުނުލައި ލުއިކޮށް މަޑުމަޑުން އެކަން ކުރެވޭތޯ ބަލަންވާނެއެވެ. 

5. އެއަށްފަހު ތެޔޮ ތާސް އުނދުން މައްޗަށް އުދުމަށްފަހު ހޫނު ވުމުން، ގުލާބް ޖާމުން ގުޅަ ތެލުލާލާނީއެވެ. ތެލުލާނީ ރަން މުށިކުލަ އަރާ ވަރަށެވެ. 

6. ގުޅަ ކޮޅު ތެލުލެވުމުން ތެޔޮގަނޑުގެ ތެރެއިން ގުޅަތައް ނަގައި ފަނިގަނޑުގެ ތެރެއަށް ލާފައި ފޯކުރަން ބަހައްޓާށެވެ. ގާތްގަނޑަކަށް 5-6 ގަޑިއިރުގެ ތެރޭގައި ހުންނާނީ ރަނގަޅަށް ފޯވެފައެވެ. އެއްވެސް ކަމެއް ވެގެން ގުލާބް ޖާމުންތައް ފޯނުވާނަމަ ނޫނީ ހަރުކޮށް ހުރިނަމަ، ފަނިގަނޑުގެ ތެރޭގައި ބަހައްޓައިގެން ކުޑަކޮށް ހޫނުކޮށްލުމުން އެކަން ހައްލު ވާނެއެވެ.