ދިވެހި ރައްޔިތުން ލޫޓުވާ ފެލާލައިގެން ބްރިޖެއްގެ ނަމުގާ ހިންގަނީ ބޮޑުސިންގާހާ މާ ވައްކަމެއް ކަމަށް  ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވެއްޖެއެވެ.

ޝުޖާއު މިހެން ވިދާޅުވީ، އިދިކޮޅު ކޯލިޝަނުން ކާނިވާ ސަރަހައްދުގައި މިހާރު ކުރިއަށް ގެންދާ “ފެލާލައިފި” ޖަލްސާގައި ވާހަކަ ދައްކަވަމުންނެވެ.

ބްރިޖްގެ ޕްލެޓްފޯމަށް ފައިސާ ނުދައްކާ ކަމަށާއި ރައީސް ޞާލިޙުގެ ވައުދުތައް ނުފުއްދަވާކަމަށް ޝުޖާއު ވިދާޅުވިއެވެ. އަދި ތަކެތީގެ އަގު އިންތިހާއަށް އުފުލިފައި ވާކަމަށްވެސް ޝުޖާއު ވިދާޅުވިއެވެ.

ޝުޖާއުވަނީ ރާއްޖޭގެ ޝަރުއީ ދާއިރާއަށްވެސް ފާޑުވިދާޅުވެފައެވެ. އެގޮތުން، ފަނޑިޔާރުންނަކީ ދިވެހި ރައްޔިތުންގެ ޓެކްސް ފައިސާއިން މުސާރަދޭ ބައެއްކަން ފާހަގަ ކުރައްވައި ޝުޖާއު ވިދާޅުވީ، ފަނޑިޔާރުންގެ ތެރެއިން ފެނިގެންދާ ނޭދެވޭ ކަންކަމުގެ ވާހަކަތައް ދެކެވެންޖެހޭކަމަށާއި، ފަނޑިޔާރުން އިންޑިއާ އެމްބެސަޑަރާއި ބައްދަލު ކުރުމަކީ ކޮށްގެން  ވާނެ ކަމެއް ނޫން ކަމަށެވެ..