މި ސަރުކާރުގައި ހަރާމް ހުކުމްކުރި ފަނޑިޔާރުންނަށް ގާނޫނު އަރާ ހަމަކުރާނެ ކަމަށް ޕީއެންސީގެ ނައިބު ރައިސް އަދި ރައްޔިތުންގެ މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
ސައީދު މިހެން ވިދާޅުވީ، ރޭ އިދިކޮޅު ކޮންގްރެސް ކޯލިޝަންގެ ފަރާތުން ކުރިއަށް ގެންދިޔަ 'ފެލާލައިފި' ޖަލްސާގައި ވާހަކަ ދައްކަވަމުންނެވެ.
ސައީދު ވިދާޅުވީ، ރައީސް ޔާމީނަށް ވެރިކަން ލިބިއްޖެ ނަމަ، ފުރަތަމަ 100 ދުވަހުގެ ތެރޭގައި އެ މަސައްކަތް ކުރައްވާނެ ކަމަށެވެ.
"ރައީސް އަޅުގަނޑު އެދެން ރައީސް އަރިހުން، ހަމަ ވަރަށް ކުޑަކުޑަ ކަމަކަށް. ﷲ ގެ ވާގިފުލާއެކު ޕީޕީއެމްއާއެކު ރައީސް ވެރިކަމަށް ވަޑައިގެންފަ ފުރަތަމަ 100 ދުވަހުގެ ތެރޭގަ އިންޝާﷲ، މިއަންނަ އަހަރުގެ ނޮވެމްބަރު 11ގަ ހުވާކުރައްވާނީ ރައީސް. އެއަށްފަހު އަންނަ ފުރަތަމަ 100 ދުވަހުގެ ތެރޭގަ މުއައްސަސާތަކުން މި ދައުލަތަށް ހިޔާނާތްތެރިވާ ވެރިންނާ ހަރާން ހުކުން ނެރޭ ފަނޑިޔާރުންނާ، އަދި ބާރުދޭ އެކިއެކި މުމައްސަސާތަކުގެ ވެރިންނާ، އެ މުއައްސަސާތަކުގަ ތިބި ޅިޔަންފަރަރިންނާ. މި ބޭފުޅުންނަށް ގާނޫނު އަރާ ހަމަކުރުވަން، ފުރަތަމަ 100 ދުވަހުގެ ތެރޭގަ،"
ސައީދު ވިދާޅުވިއެވެ.
އެ މަސައްކަތަކީ، ދިވެހިރާއްޖެ މިނިވަން ކުރުމަށް މަސައްކަތް ކުރެއްވި އަބްޠާލުންގެ ނަންފުގައި، މިއަދު ދުނިޔޭގައި ތިބި ބައެއްގެ ހައިސިއްޔަތުން ކުރަން ޖެހިފައިވާ ކަމެއް ކަމަށް ސައީދު ވިދާޅުވިއެވެ.
މީގެ އިތުރުން ސައީދު ވިދާޅުވީ، މި ރާއްޖޭގެ މުސްތަގުބަލު އޮތީ ވިއްކާލާފައި ކަމަށާއި ސްކޫލުތައް ރަހުނުކޮށް ލޯނު ނަގައިގެންވެސް ރިޒާވުގައި އެކަށީގެންވާ ފައިސާ ނެތް ކަމަށެވެ.
ދިވެހިންގެ ބަދުނަސީބަކީ އިންޑިިޔާ ކަނޑުގައި އޮތުންތޯ ސުވާލު ކުރައްވައި ވާހަކަ ދައްކަވަމުން ސައީދު ވިދާޅުވީ ރައީސް ސާލިހުވަނީ ދިވެހިންނާއި މުޅި ދުނިޔެއާއި ޖައްސާފައިކަމަށެވެ.
Advertisement
This content is created and paid for by advertisers and does not involve Voice Journalists
