ރައީސުންޖުމްހޫރިއްޔާ އިބްރާހިމް މުހައްމަދު ޞާލިހް، 20 ހާސް ތާއީދު ސޮޔާއެކު ފޯމު ހުށަހަޅައިފިއެވެ.
މިކަން ހާމަކުރެއްވީ، އެމްޑީޕީގެ ރިޔާސީ ޕްރައިމަރީގައި ރައީސް ސޯލިހުގެ ކެމްޕެއިން މެނޭޖަރުކަން ކުރައްވާ، ކިނބިދޫ ދާއިރާގެ މެންބަރު މުޙައްމަދު ނާޝިޒްއެވެ.
ނާޝިޒް ކުރެއްވި ޓުވީޓެއްގައި ވިދާޅުވީ، 2023ގެ ރިޔާސީ އިންތިޚާބުގައި ވާދަކުރާނެ އެމް.ޑީ.ޕީގެ ކެނޑިޑޭޓެއް ހޮވުމަށް ބާއްވާ ޕްރައިމަރީގައި ވާދަ ކުރެއްވުމަށް،20 ހާހަށް ވުރެގިނަ މެމްބަރުންގެ ތާއީދާއި އެކު، ރައީސް ޞާލިހްގެ ކެންޑިޑަސީ ފޯމު ހުށައަޅުއްވާފައި ވާކަމަށެވެ.
އެމްޑީޕީގެ ގައުމީ މަޖިލީހުގެ 100އަށް ވުރެ ގިނަ މެމްބަރުންނާއެކު، އެމަނިކުފާނު ވަނީ ކެމްޕެއިން ޖަލްސާއެއް ބާއްވާފައެވެ.
ޕްރައިމަރީ ކާމިޔާބު ކުރުމުގެ މަސައްކަތް ރައީސް ސޯލިހު ފައްޓަވާފައިވާއިރު، މި ޕްރައިމަރީއަކީ ވަރަށް ތާރީހީ ޕްރައިމަރީއަކަށް ވެގެންދާނެކަމަށް ރާއްޖޭގެ ސިޔާސީ މަޝްރަހު ދިރާސާ ކުރައްވާ ފަރާތްތައް ގެންދަވަނީ ސިފަކުރައްވަމުންނެވެ.
Advertisement
This content is created and paid for by advertisers and does not involve Voice Journalists
