ދިވެހިރާއްޖޭގެ ކޯޓެއްގައި ރަޖިސްޓްރީ ނުކޮށް ކައިވެނިކޮށްގެން ތިބި މީހުން މި ސަރުކާރުގައި އެބަ ތިބި ކަމަށް ކުރީގެ ރައީސް އަދި ޕީޕީއެމްގެ ރިޔާސީ ކެންޑިޑޭޓް ޔާމީން އަބްދުލްގައްޔޫމު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައިވަނީ އިދިކޮޅުން ކާނިވާ ސަރަހައްދުގައި ރޭ ބޭއްވި "ފެލާލައިފި" ޖަލްސާގައި ވާހަކަ ދައްކަވަމުންނެވެ.
ކޮންމެ ކުއްޖަކު ވިހެއުމާއެކު، 10 ދުވަހުގެ ތެރޭ ރަޖިސްޓްރީ ނުކޮށްފިނަމަ 10 ހާސް ރުފިޔާއެއް ދަކަން ޖެހުމަކީ މި ސަރުކާރުން ޒުވާނުންނަށް ދިން ހަދިޔާއެއް ކަމަށް ވިދާޅުވެ، ޔާމިންވަނީ އާންދަނީ ހޯދަން އެންމެ ލާރިއެއްވެސް ނުލިބޭ ކުޑަ ކުއްޖާ ކުށްވެރިވާން ޖެހޭ ސަބަބަކީ ކޮބައިތޯ ސުވާލު ކުރައްވާފައެވެ.
ޔާމިން ވިދާޅުވީ، އުފަންދުވަހުގެ ސެޓްފިކެޓް ހެއްދުމަކީ މައިންބަފައިންގެ އަމިއްލަ ކަމެއް ކަމަށެވެ.
އެއީ ގާނޫނު ލާޒިމް ކުރާންޖެހޭ ކަމެއް ނޫންކަމަށާއި އެއީ ކައިވެނީގެ ސެޓްފިކެޓް ނޫންކަމަށާއި، ކައިވެނީގެ ސެޓްފިކެޓްގެ ވާހަކަ ދައްކާ ނަމަ، ކޯޓެއްގައި ރަޖިސްޓްރީ ނުކޮށް ކައިވެނި ކޮށްގެން ތިބި މީހު މި ސަރުކާރުގައި އެބަ ތިބި ކަމަށް ޔާމީން ވިދާޅުވިއެވެ.
"މކައިވެނީގެ ސެޓްފިކެޓެއްގެ ވާހަކައެއްވެސް ދައްކަނީކީއެއް ނޫން. ކައިވެނީގެ ސެޓްފިކެޓްގެ ވާހަކަ ދައްކަންޏާ މި ސަރުކާރުގަ އެބަތިބި ދިވެހިރާއްޖޭގެ ކޯޓެއްގައި ރަޖިސްޓްރީ ނުކޮށް ކައިވެނި ކޮށްގެން ތިބި މީހުން،"ޔާމީން ވިދާޅުވިއެވެ.
Advertisement
This content is created and paid for by advertisers and does not involve Voice Journalists
