ކެންސަރަށް މަގުފަހިވާ ކެމިކަލް އިމްޕޯޓް ކުރިވަރު އިތުރުވެއްޖެ ކަމަށް އެންވަޔަރަންމެންޓް މިނިސްޓްރީގެ ބޭސްލައިން ކެމިކަލް އެސެސްމެންޓް ރިޕޯޓުން ދައްކައިފި އެވެ.

މި ރިޕޯޓަކީ 2017 ވަނަ އަހަރުން ފެށިގެން މިިދޔަ އަހަރުގެ ނިޔަލަށް ދިވެހިރާއްޖެއަށް އެތެރެކުރި އަދި އެކި ސިނާއައްތަކުގައި ބޭނުންކުރި ކެމިކަލްގެ ބާވަތްތަކާއި، ތަފާތު ބާވަތްތަކުގެ ކެމިކަލް މާއްދާ ބޭނުންކޮށްފައިވާ އުފެއްދުންތައް ބޭނުންކުރިގޮތް ދަނެގަތުމަށް ކުރިއަށްގެންދިޔަ ދިރާސާގެ ރިޕޯޓެކެވެ.

"2021 ވަނަ އަހަރު ރާއްޖެއަށް 10 ބިލިއަން ރުފިޔާގެ ކެމިކަލް އެތެރެކޮށްފައިވެ އެވެ. މީގެތެރެއިން 7 ބިލިއަން ރުފިޔާ ހިއްސާކުރަނީ ހަކަތަ އުފެއްދުމަށް އެތެރެކުރި ތެލަށް،" މިނިސްޓްރީން ބުނެފައިވެ އެވެ.

Advertisement

ރިޕޯޓުގައި ވާގޮތުން، މިދިޔަ އަހަރު ވަނީ ކެންސަރަށް މަގުފަހިވާ 14 ވައްތަރެއްގެ ޕެސްޓިސައިޑް އިމްޕޯޓު ކޮށްފައެވެ. އަދި ކެންސަރަށް މަގުފަހިވާ ކެމިކަލްތައް ކަމަށްވާ އެސްބެސްޓޯސްއާއި އޮޑިދޯނި ފަހަރު ބަނުމަށް ބޭނުންކުރާ ސްޓައިރީން ރާއްޖެ އިތުރުކުރި މިންވަރު ވެސް އިތުރުވެފައިވާ ކަމަށް ރިޕޯޓުގައިވެ އެވެ.

އޭގެ އިތުރުން، ސޫފާސޫފި މެރުމަށް ބޭނުން ކުރާ އިންސެކްޓިސައިޑް އިތުރުކުރި މިންވަރު ވެސް ވަނީ 462 ޕަސެންޓު ވަނީ އިތުރުވެފަ އެވެ.

"މި މާއްދާތައް ބޭނުންކުރާ ސިނާއައްތަކުގައި މަސައްކަތްކުރާ ފަރާތްތަކާއި މިފަދަ ކުނިނައްތާލުމުގައި ހަރަކާތްތެރިވާ ފަރާތްތަކުގެ ސިއްހަތަށް މިމާއްދާތަކުން ނޭދެވޭ އަސަރުކުރުވާ، ވީމާ، މަސައްކަތުގެ މާހައުލުގައި އުޅުއްވާ ފަރާތްތަކުން ރައްކާތެރިކަމަށް ސަމާލުކަންދިނުން ވަރަށް މުހިއްމު،" މިނިސްޓްރީން ބުނެފައިވެ އެވެ.