އަންނަ އަހަރު އޮލިމްޕަހުގައި އަޅުވާ ފުރަތަމަ ފިލްމު "ބީވީމާ"ގެ ޓްރެއިލާ ދައްކާލައިފިއެވެ.

މި ފިލްމަކީ، އޮލިމްޕަސް މަރާމާތު ކުރުމަށް ބަންދު ކުރުމަށްފަހު ހުޅުވާއިރު އަޅުވާ ފުރަތަމަ ފިލްމެވެ.

ރޭ "އެމްއެސްއީ ހަބް" ގައި ބޭއްވި ހަފްލާއެއްގައި ވަނީ ބީވީމާގެ އޮފިޝަލް ޓްރެއިލާ އާއި އޮފިޝަލް ޕޯސްޓަރ ވެސް ދައްކާލާފައެވެ.

Advertisement

ކޮވިޑްގެ ބަލިމަޑުކަމާއެކު ސިނަމާތައްވެސް ބަންދު ކުރަން ޖެހުމުގެ ސަބަބުން، ފިލްމު އެޅުވުން ދިގުލައިގެން ގޮސް، ދިގު އިންތިޒާރަކަށްފަހު ޑާކް ރެއިން އެންޓަޓެއިންމަންޓުގެ ފިލްމު "ބީވީމާ" ޕްރިމިއާ ކުރަން ހަމަޖެހިފައި ވަނީ އަންނަ އަހަރުގެ ފެބުރުއަރީމަހުގައެވެ.

އަހްމަދް ޒަރީރް ލިޔެ / ޑައިރެކްޓް ކޮށްފައިވާ "ބީވީމާ" ގެ މަސައްކަތް ނިމިފައި އޮންނަތާ ގިނަ ދުވަސްތަކެއް ވެފައިވާއިރު، ފިލްމު އާންމުންނާއި ހަމަޔަށް ނުގެނެވި ލަސްވެފައިވަނީ އޮލިމްޕަސް ބަންދުކުރުމާއި ގުޅިގެންނެވެ. 

ބީވީމާގެ ޕޯސްޓަރ އަދި ޓްރެއިލާ ދައްކާލުމުގެ ހަފްލާގެ ތެރެއިން--ފޮޓޯ: ވޮއިސް

ކޯވިޑްއާއި ގުޅިގެން އޮލިމްޕަސް ބަންދުކުރުމަށްފަހު އެތަން މަރާމާތު ކުރުމުގެ މަސައްކަތް ވަނީ ފަށައިފައެވެ. އެހެން ނަމަވެސް މިއަދާއި ހަމަޔަށް އެ މަސައްކަތް ނުނިމި ވަނީ ދިގުލައިގެން ގޮސްފައެވެ. 

ބީވީމާގެ ޕޯސްޓަރ އަދި ޓްރެއިލާ ދައްކާލުމުގެ ހަފްލާގެ ތެރެއިން--ފޮޓޯ: ވޮއިސް

އެހެން ނަމަވެސް އަންނަ ޖެނުއަރީއިން ފެށިގެން އޮލިމްޕަސް ކުއްޔަށް ދޫކުރަން ނިންމާފައިވާކަމަށް، ނެޝަނަލް ސެންޓަރފޯދި އާރޓްސްއިން ވަނީ އިއުލާނުކޮށްފައެވެ. 

އެއާއެކު "ބީވީމާ" ވެގެންދާނީ، އަންނަ އަހަރު އޮލިމްޕަހުގައި އަޅުވާ ފުރަތަމަ ފިލްމަަށެވެ.