މިރޭ 12:00އިން އިން ފެށިގެން ޓެކްސް ބޮޑުވާތީ، ވިޔަފާރިވެރިން ސަމާލުވުމަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އިލްތިމާސްކޮށްފި އެވެ.
މިރެއިން ފެށިގެން، ޓީޖީއެސްޓީ 16 ޕަސެންޓަށް އަދި ޖީއެސްޓީ އަށް ޕަސެންޓަށް ބޮޑުވާނެއެވެ.
އެކަމާ ގުޅިގެން މީރާއިން ވަނީ، ޓެކްސްއަށް އަންނަ ބަދަލާ ގުޅިގެން ވިޔަފާރިތަކުން ސަމާލުކަންދޭންޖެހޭ ކަންކަމުގެ 'ފެކްޓް ޝީޓް' އެއް އެ އިދާރާގެ ވެބްސައިޓުގައި ޝާއިއުކޮށްފައެވެ.
މީރާއިން ނެރުނު ބަޔާނުގައި ބުނީ، 24 ގަޑިއިރު ހިދުމަތްދޭ ވިޔަފާރިތަކުން މިރޭ 12 އިން ފެށިގެން އާ ރޭޓުގައި ޖީއެސްޓީ ނަގަން ޖެހޭނެ ކަމަށާއި 24 ގަޑިއިރު ހިދުމަތް ނުދޭ ވިޔަފާރިތަކުން އާ ރޭޓުގައި ޖީއެސްޓީ ނަގަން ފަށާނީ، މާދަމާ ވިޔަފާރިތަށް ހުޅުވާ ވަގުތުން ފެށިގެން ކަމަށެވެ.
މާދަމާއިން ފެށިގެން، ވިއްކާ މުދަލާއި ދެވޭ ހިދުމަތްތަކުގެ އަގު ޖަހާފައި ހުންނަން ޖެހޭނީ އާ ރޭޓު ހިމަނައިގެން ކަމަށް މީރާއިން ބުންޏެވެ.
ޓެކްސް އަށް ގެނައި ބަދަލަށް ވިޔަފާރިތަކާއި އާންމު ރައްޔިތުން ހޭލުންތެރި ކުރުވުމަށް މީރާއިން ވަނީ ހާއްސަ ކެމްޕޭނެއް ފަށާފައެވެ. އަދި އާ ޓެކްސް ރޭޓަށް ވިޔަފާރިތަކުން އަމަލުކުރޭތޯ ބަލާނެ ކަމަށް މީރާއިިން ވަނީ ބުނެފައެވެ.
ޓެކްސް ބޮޑުކުރުމަށް ރައްޔިތުން މަޖިލީހުން ބިލު ފާސްކުރީ ނޮވެމްބަރު މަހުގެ 16 ވަނަ ދުވަހުއެވެ. އަދި އެ ބިލު ރައީސް ޞާލިހު ތަސްދީގު ކުރައްވާފައި ވަނީ ނޮވެމްބަރު 22 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
