އިތުބާރުހިފޭ މަގާމެއްގައި ހުރެ ކުޑަކުއްޖަކަށް ޖިންސީގޯނާކުރި މައްސަލަ ސާބިތު ނުވާކަމަށް ކޯޓުން ކަނޑައަޅައިފިއެވެ.
އެކި އެއްޗެހި ބޭނުން ކޮށްގެން ކުޑަ ކުއްޖާއަށް ޖިންސީ ގޯނާއާއި އަނިޔާ ކޮށްފައިވާ މައްސަލަ ސާބިތު ނުވާ ކަމަށް ކަނޑައެޅީ ކްރިމިނަލް ކޯޓުން ކުރި ހުކުމެއްގައެވެ.
މައްސަލައިގައި ތުހުމަތުވާ މީހާގެ ގޭގައި، 2020 އަހަރުގެ ޑިސެމްބަރުން ފެށިގެން 2021 ވަނަ އަހަރުގެ ފެބްރުއަރީ މަހުގެ ނިޔަލަށް އެ ކުއްޖާ ބަހައްޓާފައި ހުއްޓާ އެ ކުއްޖާއަށް ޖިންސީ ގޯނާ ކޮށްފައިވާކަމަށް ބަޔާނުގައިވެއެވެ.
އަދި އެ މުއްދަތުގައި، އެ ކުއްޖާއަށް ޖިންސީ ގޯނާ ކުރަން ގަލަން ފަދަ ތަކެތި ބޭނުން ކޮށްފައިވާ ކަމަށް ހުކުމުގައިވެ އެވެ.
މި މައްސަލައިގައި ދައުލަތުން ބުނެފައި ވަނީ، އެމީހާ އެކުއްޖާއާއެކު ގުޅުން ހިންގީ، އިތުބާރު ހިފޭ މަގާމެއްގައި ހުރެގެން ކަމަށެވެ. ނަމަވެސް ދައުލަތުން އޭނާގެ މައްޗަށް ކުރި ދައުވާ ސާބިތު ކޮށްނުދެވޭ ކަމަށް ކަނޑައަޅާފައިވެ އެވެ.
ކުޑަކުދިންނާ ގުޅޭ މިފަދަ މައްސަލަތަކުގެ ފުރިހަމަ ރިޕޯޓު، ކޯޓުން އާންމެއް ނުކުރެ އެވެ.
Advertisement
This content is created and paid for by advertisers and does not involve Voice Journalists
