ކުރިއަށް އޮތް ފެބުރުއަރީ މަހުން ފެށިގެން ތަކެތީގެ އަގުތައް ދެގުނައަށް އުފުލިގެންދާނެކަމަށް ލަފާކުރެވޭކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދު މިފަދައިން ވިދާޅުވެފައިވަނީ ތ. ގުރައިދޫގައި ބޭއްވި އެމަނިކުފާނުގެ ކެމްޕޭނު ޖަލްސާއެއްގައި ވާހަކަދައްކަވަމުން ނެވެ.
ނަޝީދު ވިދާޅުވިގޮތުގައި ސަރުކާރުން ޓެކްސް ބޮޑުކުރީ ދަރަނި ދައްކާށެވެ. އެއީ ވަރަށް ބޮޑު ގޯހެއް ކަމަށާއި، އެކަމުގެ ސަބަބުން ތަކެތީގެ އަގުތައް އުފުލޭނެކަމަށް ވިދާޅުވި އެވެ.
"މިހާރު އުފުލިފައިހުރި މިންވަރަށްވުރެވެސް އިތުރަށް އަދި އުފުލިގެންދާނެ"
ރައީސް ނަޝީދު
ނަޝީދު ވިދާޅުވީ މިހާރު ތަކެތީގެ އަގުތަކަށް ބަދަލު އައިސްފައިވަނީ ހަމައެކަނި ޖީއެސްޓީ ބޮޑުކުރުމާއި ގުޅިގެންކަމަށެވެ. އެއީ ފިހާރަތަކުގައި ހުރި ސްޓޮކް ކަމަށާއި، އާ ސްޓޮކް އަންނަ އިރު ނާލުގެ އަގާއި، ގުދަން ކުއްޔާއި، ތެލަށް އިތުރުވާ ބައިގެ އިތުރުންވެސް އެތައް ބައެއް އިތުރުވެގެން ދާނެކަމަށް ނަޝީދު ވިދާޅުވިއެވެ.
އެހެންކަމުން އަންނަ މަހުގައި ތަކެތީގެ އަގުތައް މިހާރު ހުރި އަގުތަކަށްވުރެ 15 އިންސައްތަ އުފުލިގެންދާނެ ކަމަށް ނަޝީދު ވިދާޅުވިއެވެ.
ނަޝީދު އިތުރަށް ވިދާޅުވީ ޓެކްސް ބޮޑުކުރުމަށް ސަރުކާރުން ނިންމި ނިންމުމަށް ތާއީދު ނުކުރައްވާކަމަށެވެ. އަދި އެމަނިކުފާނުގެ ވެރިކަމެއްގައި ޓެކްސް ކުޑަ ކުރައްވާނެކަމަށްވެސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
