ސޯޝަލް މީޑިއާގައި ފާހަގަކުރާ ކޮރަޕްޝަންގެ މައްސަލަތައް ބަލަން އައު ޔުނިޓެއް ހަދަން މަސައްކަތް ނުކުރާ ކަމަށް އެންޓި ކޮރަޕްޝަން ކޮމިޝަން އޭސީސީން ބުނެފިއެވެ.
އޭސީސީން މިފަދައިން ބުނެފައި މިވަނީ އިއްޔެ ޕީޕީއެމް/ޕީއެންސީގެ ފަރާތުން އެ ކޮމިޝަންގެ މެންބަރުންނާއި ބައްދަލުކުރުމަށް ފަހު ނިކުމެވަޑައިގެން ނޫސްވެރިންނާ ވާހަކަ ދައްކަވަމުން, ސޯޝަލް މީޑިއާގައި އެކި ފަރާތްތަކުން ފާހަގަކުރާ ކޮރަޕްޝަންގެ މައްސަލަތަކާއި ތުހުމަތުތައް ބަލަން ވަކި ޔުނިޓެއް ހަދާނޭ ކަމަށް އޭސީސީއިން ބުނި ކަމަށް އިދިކޮޅު ލީޑަރޝިޕުން ބުނުމާއި ގުޅިގެންނެވެ.
އެވާހަކަ ދޮގުކޮށް އޭސީސީން ބުނީ، އެކޮމިޝަންގެ ކޮމިއުނިކޭޝަންގެ ކަންކަން މެނޭޖްކުރާ މުވައްޒަފުން ކުރިއްސުރެ މެއިންސްޓްރީމް މީޑިއާތަކާއި، ސޯޝަލް މީޑިއާގައި ހުންނަ ކޮރަޕްޝަނާއި ގުޅޭ މައްސަލަތަކާއި، ކުރެވޭ ތުހުމަތުތައް ބަލާ މޮނިޓަރކޮށް، ކޮމިޝަނުގެ ސަމާލުކަމަށް ގެނައުމުގެ މަސްޢޫލިއްޔަތު އަދާކުރާ ކަމަށެވެ.
އަދި ކޮމިޝަނުގެ މުވައްޒަފުން ވެސް ކޮމިޝަނުގެ ސަމާލުކަމަށް ގެންނަންޖެހޭ ކަންކަން ގެންނައިރު އެފަދަ ތުހުމަތުތަކުގެ ވާހަކަ ކޮމިޝަންގެ ސަމާލުކަމަށް ގެންނަ ކަމަށް ވެސް އޭސީސީއިން ބުންނެވެ. އަދި އިންތިހާބުތަކާއި ދިމާކޮށް ފުޅާދާއިރާއެއްގައި އެ މަސައްކަތް ކުރާ ކަމަށް ވެސް އޭސީސީ އިން ބުންޏެވެ.
މީގެ އިތުރުން، އެކި މަންސަތަކުގައި އެކިފަރާތްތަކާމެދު ކުރެވޭ ކޮރަޕްޝަންގެ ތުހުމަތުތަކާއި ގުޅިގެން ކޮމިޝަނުގެ އަމިއްލަ އިސްނެންގެވުމަށްވެސް ބަލަމުންދާ ކަމަށް އޭސީސީން ބުނެއެވެ.
"އެ މަސައްކަތް މިހާރުވެސް އަދި ކުރިއަށްއޮތްތަނުގައި ވެސް އެގޮތުގައި ކުރިއަށްދާނެ. އެފަދަ ކަންކަން ބެލުމަށް އާ ޔުނިޓެއް ހަދަން އޭސީސީން މަސައްކަތެއް ނުކުރޭ،" އޭސީސީއިން
Advertisement
This content is created and paid for by advertisers and does not involve Voice Journalists
