އެމްޑީޕީގެ ރިޔާސީ ޕްރައިމަރީގައި ވޯޓުލުމަށް ބަހައްޓާފައިވާ ފޮށިތަކަށް ގެއްލުންދިން 3 މީހުން ހައްޔަރުކޮށްފި އެވެ.
ފުލުހުން މައުލޫމާތު ދެއްވި ގޮތުގައި ހައްޔަރުކޮށްފައިވަނީ ގދ ރަތަފަންދޫއިން ދެ މީހުންނާއި ތިނަދޫ މީހެކެވެ.
މީގެ ކުޑައިރުކޮޅެއް ކުރިން ރައްޔިތުންގެ މަޖިލީހުގެ ނައިބުރައީސް އީވާ އަބްދުﷲ ކުރެއްވި ޓްވީޓެއްގައި ވިދާޅުވީ ގދ ރަތަފަންދޫއިން ހައްޔަރުކޮށްފައިވަނީ މި އިންތިޚާބުގައި ވާދަކުރައްވާ މަޖިލީހުގެ ރައީސް މުހައްމަދު ނަޝީދުގެ 2 މަންދޫބުން ކަމަށެވެ.
ގދ ރަތަފަންދޫގައި ވޯޓުލުން ކުރިއަށް ދިޔައިރު، ދިމާވި މައްސަލަތަކާއި ގުޅިގެން މަޝްރަހު ވަރަށް ބޮޑަށް ހޫނުވިއެވެ. މަޝްރަހު ހޫނުވީ ރަތަފަންދޫ ވޯޓު ފޮއްޓަށް އިތުރު ވޯޓު ކަރުދާސްކޮޅުތަކެއް އެޅި މައްސަލަ ފެންމަތިވުމުންނެވެ.
އެމްޑީޕީގެ ރިޔާސީ ޕްރައިމަރީގެ ވޯޓުލުން މިއަދު 5:00 އާއި ހަމަޔަށް ކުރިއަށް ގެންދިއުމަށް ނިންމާފައިވާއިރު، މި އިންތިޚާބުގައި ބޮޑެތި ހަމަނުޖެހުންތަކެއް ހިނގަމުންދާކަން ފާހަގަކޮށްލެވެއެވެ. އަދި މި ހަމަނުޖެހުންތަކާއި ގުޅިގެން ވަރަށް ގިނަ ސަރަހައްދުތަކުން ވޯޓުލުން ހުއްޓާލައިގެންވެސް ތިބިކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
