އިޒްރާއިލް ސިފައިން ފަލަސްޠީނުގެ 26 އަހަރުގެ ޒުވާނަކު ޝަހީދުކޮށްލައިފިއެވެ.

ފަލަސްޠީނުގެ ހިބްރޫންގެ ދެކުނުގެ ސިޓީ ގައި ފަލަސްޠީނުގެ ނަސީމް އަބޫ ފުއާދާ ޝަހީދުކޮށްލައިފައިވަނީ އޭނާ އަށް އަމާޒުކޮށް ބަޑިޖަހައިގެނެވެ.

ފަލަސްޠީނުގެ ހެލްތް މިނިސްޓްރީއިން ބުނެފައިވަނީ ނަސީމް ޝަހީދު ކޮށްލައިފައވަނީ މިއަދުގެ ހެނދުނުގެ ވަގުތެއްގައި އޭނާގެ ބޮލަށް ވަޒަން އަރައިގެން ކަމަށެވެ.

Advertisement

ފަލަސްޠީނުގެ އޮފިޝަލް ނިއުސް އެޖެންސީ ވަފާ އިން ބުނެފައި ވަނީ އިޒްރާއިލްގެ މިލިޓަރީ އިން އެމީހުންގެ ޗެކްޕޮއިންޓް 160 ޖަހައިފައިވަނީ ހިބްރޫންގެ މެދުތެރޭގައި ހުންނަ އިބްރާހިމީ މިސްކިތުގެ ކައިރީގައި ކަމަށެވެ. ނަސީމް ދަތުރުކުރަމުން ދިޔަ ވެހިކަލަށް އަމާޒުކޮށް އިޒްރާއިލްގެ ސިފައިން ބަޑި ޖަހައިފައިވާ ކަމަށާއި، އޭގެ ތެރެއިން އެއް ވަޒަން ނަސީމްގެ ބޮލަށް އަރައި އޭނާ ޒަހަމްވި ކަމަށާއި އެއަށް ފަހު އަލް އަހްލީ ހޮސްޕިޓަލަށް އޭނާ ގެންދެވުނު ކަމަށެވެ. ނަސީމްގެ މަރު އިއްލާނު ކޮށްފައިވަނީ ހޮސްޕިޓަލަށް ގެންދެވުމަށް ފަހުއެވެ.

ނަސީމް އަބޫ ފުއާދާ އަކީ 2023 ވަނަ އަހަރުގެ ޖެނުއަރީ މަހަށް ފެށުނު ފަހުން އިޒްރާއިލުން ޝަހީދުކޮށް 35 ވަނަ މީހާއެވެ. ޖެނުއަރީ މަހަށް ފެށުނު ފަހުން ފަލަސްޠީނުގެ 8 ކުޑަކުއްޖަކުވެސް ޝަހީދުވެފައިވެއެވެ.