އިންޑިޔާގައި މުސްލިމް ކުޑަ ދެކުއްޖަކު ގަހެއްގައި ބަނދެ އަނިޔާ ކުރާ މަންޒަރު އާންމުވެއްޖެއެވެ.
އިންޑީޔާގެ އުއްތަރް ޕްރަދޭޝްގައި އޮންނަ ބަރަބަންކީ ޑިސްޓްރިކްޓް ގައި ޝަދަބް އަދި ޝަކީލް ނަމަކަށް ކިޔާ މި ދެކުދިން ގަހުގައި ބަނދެ ރަހުމެއް ނެތް ގޮތުގައި އަނިޔާ ކޮށްފައިވަނީ ކުޑަ އަންހެން ކުއްޖަކާއި ބެހުނު ކަމުގެ ދޮގު އިލްޒާމް އެ ދެކުދިންގެ ބޮލުގައި އަޅުވައި ފައި ކަމަށް މީޑިއާ ރިޕޯޓްތައް ބުނެއެވެ.
އިންޑިޔާގައި މުސްލިމުންނާއި މެދު އިންސާނިއްޔަތާއި ޚިލާފު އެތަށް ޢަމަލު ތަކެއް އަންނަނީ ހިންގަމުންނެވެ. އެގޮތުން މިދިޔަ އޮކްޓޯބަރ މަހު ހިންދޫން އިންގެ ޘަޤާފީ ޢީދެއް ފާހަގަ ކުރަމުންދަނިކޮށް އޮއްގަލުން ހަމަލާ ދިން ކަމަށް ބުނެ 19 މުސްލިމަކު ހައްޔަރުކޮށްފައިވެއެވެ.
އަދި އޭގެ ތެރެއިން އެއްބަޔަކު ދޫކޮށްލައި އޭގެ ދެދުވަސް ފަހުން ސަރުކާރުގެ ޤަވާއިދުތަކާއި ޚިލާފަށް އެ މައްސަލައިގެ އިލްޒާމްގައި ހިފެހެއްޓި ތިން މީހެއްގެ ގެ ވަނީ ތަޅައި ސުންނާފަތިކޮށް ބިމާއި ހަމަކޮށްފައިވެއެވެ. އަދި އެ ގެތައް އަޅައިފައިހުރީ ޤާނޫނާއި ޚިލާފަށް ކަމަށް ވެސް ވަނީ ބުނެފައެވެ.
މީގެ އިތުރުންވެސް އިންޑީޔާގައި މުސްލިމުންނަށް ޖިސްމާނީ މާލީ އަދި ނަފްސާނީވެސް އެތައް އަނިޔާއެއް އަންނަނީ ދެމުންނެވެ. ހިޖާބް އަޅާތީ، އެތައް މުސްލިމް އަންހެން ކުދިންނެއް ވަނީ ކިޔެވުމުންވެސް މަޙްރޫމް ކޮށްފައެވެ.
Advertisement
This content is created and paid for by advertisers and does not involve Voice Journalists
