އިއްޔެގެ ވަގުތެއްގައި ތުރުކިޔޭއަށާއި އުތުރު ސީރިއާއަށް އައި ވަރުގަދަ ބިންހެލުންތަކާއި ގުޅިގެން އެހީ ފޯރުކޮށްދިނުމަށްޓަކައި އިންޓަނޭޝަނަލް އެއިޑް ކެމްޕެއިންއިން (އައިއޭސީ) ކުއްލި އެހީ ފަންޑެއް ހުޅުވާލައިފިއެވެ.

އައޭސީން ބުނީ، ތުރުކިޔޭ އާއި ސީރިޔާއަށް އައި ބިން ހެލުމާއި ގުޅިގެން ކުއްލި އެހީގެ ފަނޑު ހުޅުވާލެވިފަިވާ ކަމަށާ، އެ ޖަމިއްޔާގެ ޓީމުން ގެންދަނީ މިވަގުތަށް އެންމެ ބޭނުންޖެހިފައިވާ ހޮޓްމީލް ޕެކޭޖު ބެހެމުގެ އިންތިޒާމްތަށް ކުރަމުން ކަމަށެވެ. 

އެގޮތުން، ހާލުގައި ޖެހިފައިވާ ފަރާތްތަކަށް އެހީވުމަށް އައިއޭސީއިން ފަށާފައިވާ މަސައްކަތައް މާލީގޮތުން އެހީވުމުގެ ފުރުސަތު އާއްމުންނަށް ވެސް ހުޅުވާލެވިފައިވާ ކަމަށް އައިއޭސީއިން ބުނެއެވެ. 

Advertisement

އެހީތެރިކަން ފޯރުކޮށްދިނުމަށް ތިރީގައިވާ އެކައުންޓަށް ފައިސާ ޖަމާކުރުމަށްވެސް އެދިފައިވެއެވެ.

7.8 މެގްނެޓިޔުޓް ބާރު މިނުގައި ތުރްކިޔޭގެ ދެކުނަށާއި ސީރިޔާގެ އުތުރަށް އައި ބިންހެލުމުގައި ބޮޑެތި ޢިމާރާތް ތަކެއް ވަނީ ވެއްޓީ ބިމާއި ހަމަވެފައެވެ. އިމާރާތް ތަކުގެ ދަށުވެފައި އެތަށް ބަޔަކު ތިބި އިރު، ބިން ހެލުމުގެ ސަބަބުން އެތައް ބަޔަކު ވަނީ މަގުމަތިވެފައެވެ.

ބިންހެލުމާއި ގުޅިގެން ތުރުކީގައި މިހާތަނަށް 3000 އާއި ގާތްކުރާ އަދަދަކަށް މީހުން މަރުވެ، 15،000 އަށް ވުރެން ގިނަ މީހުން ޒަހަމްވެފައިވާއިރުގައި، 6000 އަށް ވުރެން ގިނަ އިމާރާތް ބިމާ އެއްހަމައެއްވެފައިވެއެވެ. ސީރިއާގައި ވަނީ މިހާރު 1500 އާއި ގާތް ކުރާ އަދަދެއްގެ މީހުން މަރުވެފައިކަމަށް ބޭރުގެ މީޑިއާތަކުން ބުނެއެވެ.

އެމެރިކާގެ ޖިއޮލޮޖިކަލް ސާވޭ އިން ދައްކާގޮތުން މި ބިންހެލުން އުފެދިފައިވަނީ ގަޒިއަންޓެޕް ކިޔާ ހިސާބާއި 20 މޭލު ކައިރިން ކަމަށާއި އަދި ބިން ހެލުން އަތުވެފައިވަނީ 11 މޭލު އަޑިން ކަމަށެވެ. 6.7 މެގްނެޓިޔުޓް ގައި އައިކަމަށް ރިކޯޑް ކުރެވިފައިވާ ބިންހެލުން ހުއްޓުމަށްފަހު އޭގެ އަސަރު 10 މިނިޓަށް ދެމިގެން ދިޔަ ކަމަށެވެ. އަދި ބިންހެލުމުގެ އިހްސާސް ސައިޕްރަސް އާއި ލުބްނާން ވަނީ ކޮށްފައިކަމަށެވެ.