ޕްރޮގްރެސިވް ކޯލިޝާނުން ބިންހެލުމުގެ ސަބަބުން އަސަރު ކޮށްފައިވާ ތުރްކިޔޭގެ ރައްޔިތުންނަށް ތައުޒިޔާ ކިޔާފިއެވެ.

އިދިކޮޅުން އިއްޔެގެ ވަގުތެއްގައި ނެރުން ހަމްދަރުދީގެ މެސެޖްއެއްގައި ފަނާކުރަނިވި ބިންހެލުމުގެ ސަބަބުން އަސަރުކުރި އެކުވެރި ތުރްކިޔޭގެ ރައްޔިތުންނަށް އެންމެ ފުން ހަމްދަރުދީ ފާޅުކުރާ ކަމަށް ވަނީ ބުނެފައެެވެ.

އެއާއިއެކު ޕީޕީއެމްގެ ލީޑަރު ރައީސް ޔާމީންގެ ފަރާތުންނާއި، ލީޑާޝިޕް ގްރޫޕްގެ ފަރާތުންނާއި، ސެނެޓް އަދި ޕާޓީގެ މެމްބަރުންގެ ފަރާތުން، މި ބިންހެލުމުގެ ސަބަބުން އަސަރު ކޮށްފައި ތިބި އާއިލާތަކަށް ތައުޒިޔާ ކިޔައިފައިވެއެވެ.

Advertisement

އެ ކޯލިޝަންގެ އުންމީދަކީ އަވަސް ޝިފާއެއް ތުރްކިޔޭގެ ރައްޔިތުންނަށް ލިބުމަށާއި މި ރައްޔިތުންގެ ދިރިއުޅުން ވީހާވެސް އަވަހަކަށް އާދައިގެ ހާލަތަކަށް އެނބުރި ދިޔުން ކަމަށް ވެސް މިމެސްޖެގައިވެއެވެ.

އަދި ބިންހެލުމުން ސަލާމަތް ކުރެވިފައިވާ މީހުންގެ ދުޅަހެޔޮ ކަމަށް ދުއާކުރާކަމަށް ވެސް އިދިކޮޅުން ބުނެފައިވެއެވެ.

މީގެ އިތުރުން އިދިކޮޅުން ވަނީ ތުރްކިޔޭގެ ރައީސް ރެޖެޕް ތައިޔިޕް އާރދޮއަން އަކީ ރިކަވަރީއަށް ފޯކަސް ކޮށްގެން މިފަދަ ކާރިސާއެއްގެ ތެރެއިން ކުރިއަށް ދިޔުމުގެ ޤާބިލިއްޔަތުކަން ހުރި ބޭފުޅެއްކަން އެ ކޯލިޝަނުން ޤަބޫލް ކުރާ ކަމަށް ބުނެފައެވެ.

ފާއިތުވި 48 ގަޑިއިރުތެރެއިން 5 ބިންހެލުން އައިސް ތުރްކިޔޭ އާއި ސީރިޔާއިން ނިޔާވި މީހުންގެ ޢަދަދު 5000 އަށް މިހާރު ވަނީ އަރާފައެވެ. އަދި މި ކާރިސާގައި ތުރްކިޔޭ އާއި ސީރިޔާއިން ޒަހަމްވެ އަނިޔާވި މީހުންގެ ޢަދަދު 10 ހާހުން މައްޗައް ވަނީ އަރައިފައެވެ.

އެކި އުމުރު ފުރައިގެ އެތައް މީހުން ނިޔާވެ އެތައް ބައެއް ގެދޮރު ގެއްލި، ކާބޯތަކެތީގެ ދަތިކަން ކުރިމަތިވެފައިވާ މި ހިތާމަވެރި ހާދިސާއާއި ގުޅިގެން މުޅި ދުނިޔެ އަންނަނީ ހިތާމަ ފާޅުކުރަމުންނެވެ.