ދިވެހިރާއްޖެއަށް މަސްުވާތަކެތި އެތެރެކުރި މީހާ ދޫކޮށްލި ފަރާތްތަކަށް ޤާނޫނީ ފިޔަވަޅު އަޅަން ޖެހޭކަމަށް ކުރީގެ ނައިބުރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެ އެވެ. 

ދިވެހިރާއްޖެއަށް މާސްތުވާތަކެތި އެތެރެކުރި މީހަކު މިއަހަރުގެ ޖެނުއަރީ 26 ގައި ޑީޕޯޓުކޮށްލާފައިވާ ކަމަށް މަޖިލީހުގެ މާފަންނު މެދު ދާއިރާގެ މެންބަރު މުހައްމަދު ރަޝީދު (ބޮންޑޭ) ވަނީ މިއަދު މަޖިލީހުގއި ވާހަކަ ދައްކަވަމުން ހާމަކުރައްވާފަ އެވެ. 

ބޮންޑޭ ވިދާޅުވީ އެމީހާ ޑީޕޯޓުކޮށްލާފައި ވަނީ އިމިގްރޭޝަންގެ ފޯކަލް ފޮއިންޓުގެ އަމުރަށް ކަމަށެވެ. އަދި ރާއްޖެއަށް ޑްރަގު އެތެރެކުރާ މީހުން ދޫކޮށްލެވޭ އުސޫލެއް ކަމާ ގުޅުންހުރި މުއައްސަސާތައް ގުޅިގެން އެކުލަވާލާފައިވާ ކަމަށާއި، އެކަން ކޮށްފައިވަނީ ގާނޫނު އަސާސީއާއި ޚިލާފަށްކަމަށް އޭނާ ވިދާޅުވިއެވެ. 

Advertisement

އެކަމަށް އިޝާރާތްކުރައްވާ ޑރ މަޖީލު ކުރެއްވި ޓްވީޓެއްގައި ވިދާޅުވީ، މި ސަރުކާރުން މިހާރު އުފައްދަމުން ދަނީ ބޭނުންވީމާ ކުށްވެރިން ދޫކޮށްލެވޭ ސަގާފަތެއް ކަމަށެވެ. އަދި މި ސަގާފަތް އުފެއްދުމުގެ އަޑީގައި އޮތީ ރައީސް އިބްރާހިމް މުހައްމަދު ޞާލިހުގެ ސަރުކާރު ކަމަށް ޑރ ޖަމީލު ވިދާޅުވި އެވެ. 

ޑރ ޖަމީލު ވިދާޅުވީ ޑްރަގް އެތެރެކުރި މީހާ ދޫކޮށްލުމަކީ ކުށެއް ކަމަށެވެ. އަދި އެފަދައިން އެކަން ކުރި މީހުންނަށް ގާނޫނީ ފިޔަވަޅު އަޅަން ޖެހޭނެ ކަމަށެވެ. 

ރާއްޖެއަށް ޑްރަގް އެތެރެކުރި މީހާ ދޫކޮށްލުމަކީ ރާއްޖެއަށް ޑްރަގް އެތެރެކުރުން ހުއްދަކުރުން ކަމަށް މިއަދު މަޖިލީހުގައި ކުރިއަށް ގެންދިޔަ ޖަލްސާގައި ވާހަކަ ދައްކަވަމުން ބޮންޑޭ ވަނީ ވިދާޅުވެފަ އެވެ. އަދި އެއީ ޕީޖީއިން ބަލަން ޖެހޭ މައްސަލައެއްގެ ގޮތުގައި ބޮންޑޭ ފާހަގަކުރެއްވި އެވެ.