ހުޅުމާލެ ކޮމިއުނިޓީ އެލައެންސް އަދި އެމް.އެން.ޑީ.އެފް ފަޔާ އެންޑް ރެސްކިއު ސާވިސް އަދި ވިލާ މާޓް އާއި ގުޅިގެން އަލިފާނުގެ ހާދިސާއެއްގައި އަމަލު ކުރަންވީ އަސާސީ މިންގަނޑުތައް ކިޔައިދޭ ޓްރެއިނިންގްއެއް ހުޅުމާލޭގެ ހިޔާ ފްލެޓް ތަކުގައި ދިރިއުޅޭ އަންހެން ކަނބަލުންނަށް ހާއްސަކޮށް ހިންގައިފިއެވެ.

މި ޓްރެއިނިންގެ ހިންގާފައި ވަނީ 4 ފެބްރުއަރީ 2023 ވީ ހޮނިހިރު ދުވަހު މެންދުރު 2 އަކުން 6 ކަށް ހިޔާ ފްލެޓްގެ H14 ޓަވަރުގެ ގްރައުންޑް ފްލޯގައެވެ.

މި ޓްރެއިނިންގް ގެ ބައިވެރިންނަށް އާންމު ގޮތެއްގައި އަލިފާނުފެ ހާދިސާއެއް ހިނގަން މެދުވެރިވާ ސަބަބުތައް , އަލިފާން އެންމެ ފަސޭހައިން ފެތުރޭ ގޮތްތައް , އަލިފާން ނިއްވާނެ ގޮތްގޮތް , އަލިފާން ނިއްވަން ބޭނުންކުރާ ފީފާގެ ވައްތަރުތައް އަދި އަލިފާން ނިއްވަން ބޭނުންކުރާ ރަޖާ ނުވަތަ ފޮތީގެ ވައްތަރުތައް ވަނީ ކިޔައިދީފައެވެ. އަދި މީގެ އިތުރުން އެފަދަ ހާދިސާއަކުން ސަލާމަތާއެކު ދުރަށް ދިއުމަށް އެންމެ ފަސޭހަ އަދި ރައްކާތެރި ގޮތްތައްވެސް ވަނީ ކިޔަދީފައެވެ.

50 އަށްވުރެ ގިނަ މީހުން މި ޓްރެއިނިންގް ގައި ބައިވެރިވެފައިވާއިރު މިއީ އަލިފާނުގެ ހާދިސާތަކަށް މީހުން ހޭލުންތެރި ކުރުމަށް މުހިންމު ޓްރެއިނިންގ އެކެވެ. އެހެނީ އަލިފާނުގެ ހާދިސާއެއް ހިނގުމަށް މެދުވެރި ވާނެ އެއްޗެހި ދެނެގަނެ، އެފަދަ އެމަޖެންސީ ހާލަތެއް ކުރިމަތި ވެއްޖެނަމަ ކަންކުރަންވީ އެންމެ ރައްކާތެރި ގޮތް އެނގުމަކީ މީހެއްގެ ފުރާނަވެސް ސަލާމަތްކުރެވޭނެފަދަ މުހިއްމު ކަމެކެވެ. 

މި ޕްރޮގްރާމް ގެ މައި ސްޕޮންސަރު ވިލާ މާޓަކީ މިފަދަ ޓްރެއިނިންގް ތަކާއި އިވެންޓްތައް ހިންގުމަށް ބޮޑު އެއްބާރުލުމެއް ދޭ ކުންފުންޏެކެވެ. އަދި ވީހާވެސް ގިނަ ބަޔަކަށް ފައިދާހުރި ގޮތަކަށް މިފަދަ ޓްރެއިނިންގްތައް ހިންގުމަކީ ކުރިޔަށް އޮތްތާގައިވެސް ވިލާ މާޓްގެ އަމާޒު ކަމަށް އެ ކުންފުނިން ބުނެއެވެ.

ހުޅުމާލެ ފޭސް 2 ގައި ހިޔާ ފްލެޓް H14 ޓަވަރުގައި ހުޅުވި ވިލާ މާޓަކީ މިވަގުތު ހުޅުމާލެ ފޭސް 2 ގައި ހުރި މަދު ސުޕަމާކެޓް ތަކުގެ ތެރެއިން ސުޕަމާކެޓެކެވެ. ދިގުދެމިގެންދާގޮތުގައި ފައިދާހުރި ހިދުމަތް ރައްޔިތުންނަށް ފޯރުކޮށްދޭން އަބަދުވެސް މަސައްކަތްކުރާ ވިލާ މާޓަކީ ރާއްޖެއަށް ކުރިން ތައާރަފް ނުކުރާ ބްރޭންޑްތަކުގެ ތަފާތު, ފައިދާހުރި އަދި ކޮލިޓީ ތަކެތި އެތެރެކޮށް ވިއްކާ ކުންފުންޏެކެވެ. އަދި މީގެ އިތުރުން ތިމާވެށި ރައްކާތެރިކުރުމަށްވެސް ބޮޑު އިސްކަމެއް ވިލާ މާޓުން ދެއެވެ. 

ވިލާ މާޓާއި ބެހޭ އިތުރު މައުލޫމާތު ބޭނުންފުޅުވާނަމަ ވިލާ މާޓުގެ މެއިލް: [email protected] އަށް މެއިލް  އެއް ފޮނުއްވާލައްވާ ނުވަތަ ވިލާ މާޓުގެ ހޮޓަލައިން ނަންބަރު: 7667711 އަށް ގުޅާލުމުން ލިބޭނެ އެވެ.