އައްޑޫ މަގުގެ މަސައްކަތުގެ ސަބަބުން ސިއްހީ ކާރިސާއެއް ކުރިމަތިވެދާނެ ކަމުގެ ބިރުހީވާ ކަމަށް ހިތަދޫ މެދު ދާއިރާގެ މެމްބަރު އަހުމަދު ރަޝީދު ވިދާޅުވެއްޖެއެވެ.

އައްޑޫ މަގު ހެދުމުގެ މަސައްތް ކުރަނީ އެފްކޮންސްއިންނެވެ.

ރައްޔިތުންގެ މަޖިލީހުގައި ވާހަކަ ދައްކަވަމުން ރަޝީދު ވިދާޅުވީ 2019 ވަނަ އަހަރު ބަޖެޓް ކުރެވުނު މަގުގެ މަސައްކަތް ނުކުރެވި، ވަޅުގަނޑުތަކެއް އެގޮތަށް ހުންނާތީ ދުއްވާ ތަކެއްޗަށާއި އާންމުންނަށް އުނދަގޫތަކާ ކުރިމަތިވާ ކަމަށެވެ.

Advertisement

ހިތަދޫގެ އެންމެ ބޮޑު ސްކޫލު ހުންނަ މަގުގެ ހާލަތުވެސް ހުރީ އެފަދައިންކަން ފާހަގަކޮށް ރަޝިދު ވިދާޅުވީ އެކަމާ ގުޅިގެން ކުދިންނަށްވެސް އުނދަގޫތަކާ ކުރިމަތިވާ ކަމަށެވެ.

މަގުތަކުގެ ކާނުތައް ހަދައި މަތި ނާޅާ ހުރުމުގެ ސަބަބުން ފެން ހެދި މަދިރީގެ ސަބަބުން ޑެންގޫ ގިނަވެ ސިއްހީ ކާރިސާއެއްގެ ކުރިމަތިވެދާނެކަމުގެ ބިރުވެރިކަން އުފެދިފައިވާކަމަށް ރަޝީދު ވިދާޅުވިއެވެ.

އެވާހަކަތަކަށް ޖަވާބު ދެއްވަމުން އަސްލަމް ވިދާޅުވީ، މަގުތައް ކޮނެފައި ހުރުމުގެ ސަބަބުން އާންމުންނަށް ދަތިވަމުންދާކަމުގެ ޝަކުވާތައް ލިބިފައިވާ ކަމަށެވެ. އެހެންކަމުން އެ މައްސަލަ ހައްލު ކުރުމަށް އައްޑޫއަށް ދިއުމަށް ކަނޑައެޅިފައިވާކަމަށް އަސްލަމް ވިދާޅުވިއެވެ.