ދުނިޔޭގެ ލޯބިވެރިންގެ ދުވަސް ފާހަގަކުރުމުގެ ގޮތުން މިއަހަރުގެ ލޯބިވެރިންގެ ލޯބި ފާހަގަކުރުމުގެ ބަދަލުގައި ގެރިއާއި ބައްދައި ގެރިއަށް އޮތް ލޯބި ފާހަގަކޮށް ހިންދޫ ދީނުގެ ވެލިއުތައް ޕްރޮމޯޓް ކުރަން އިންޑިއާގެ ސަރުކާރުގެ އެނިމަލް ވެލްފެއާ ޑިޕާޓްމަންޓުން އިލްތިމާސްކުރުމުން ސޯޝަލް މީޑީއާގައި ފާޑުކިޔައި މަލާމާތްކުރުން އިތުރުވެއްޖެއެވެ.

އިންޑިއާގެ އެނިމަލް ވެލްފެއާ ބޯޑުން ބުނީ ގެރިއާއި ބައްދައިހެދުމުން މީހުންގެ ޖަޒްބާތުތައް ބޮޑަށް ފަރިވެފޮޅޭނެކަމަށެވެ.

ގެރިއަށް އަޅުކަންކުރާ ހިނދޫން ބުނަންނީ ހުޅަނގުގެ މީހުން ލޯބިވެރިންގެ ދުވަސް ފާހަގަކުރާގޮތައް ކުރުމަކީ ހިންދޫންގެ އަގީދާއާއި ހިލާފުކަމެއްކަމަށެވެ.

Advertisement

ލޯބިވެންރިންގެ ދުވަސް ފާހަގަކުރަން ވިޔަފާރި ތަކުން ބަހައްޓާފައިވާ އިސްތިހާރުތައް ހަރުކަށި ހިންދޫން ހަލާކުކޮށް ފިހާރަތަކަށް ގެއްލުންދެމުން ދާކަމަށް އިންޑިއާގެ މީޑީއާގައި ރިޕޯޓްކޮށްފައިވެއެވެ.

ފެބްރުއަރީ 14 ވަނަ ދުވަހަކީ ގެރިއާއި ބައްދައި އުޅޭ ދުވަހެއްކަން އިއުލާނުކުރުމާއެކު އެކަމަށް އެންމެ ބޮޑަށް ފާޑުކިޔައި މަލާމާތްކޮށްފައިވަނީ އިންޑިއާގެ ޒުވާނުންނެވެ.

އިންޑިއާގެ ސޯޝަލް މީޑީއާގައި މަލާމާތްކުރި ބައެއް މީހުން ބުނިގޮތުގައި އެންމެ އުދަގޫކަމަކީ ބައްދާނެ ގެރިއެއްނެތުންކަމަށެވެ.