ހުކުރު ދުވަހަކީ ކޮންމެ ހަފްތާއެއްގައިވެސް އަންނަ ވަރަށް ޚާއްސަ ދުވަހެކެވެ. އެ ދުވަހުގެ މެންދުރު ކެއުމަށް ޚާއްސަ މީރު ކާތަކެތި ތައްޔާރު ކުރުމަކީ އަބަދުވެސް ދިވެހިން ކޮށް އުޅޭ ކަމެކެވެ. އެހެންކަމުން މި ހުކުރު ވޮއިސް ގެ ބަދިގެއިން މި ގެނެސްދެނީ މީރު ކެއުމާއިއެކު ބުއިލަން ތައްޔާރު ކުރެވޭނެ މީރު ބުއިމެއް ތައްޔާރު ކުރާނެގޮތެވެ. 

1 1/2 ޖޯޑު ކިރު (ފިނި ކޮށްފައި) 

1 1/2  ޖޯޑު ވެނީލާ އައިސްކްރީމް

ޗޮކުލެޓް ސިރަޕް

ވިޕްޑް ކުރީމް (ބޭނުން ނަމަ)

6 ކިޓް ކެޓް ޗޮކުލެޓް

1) އެންމެ ފުރަތަމަ އައިސްކުރީމް އާއި ޗޮކުލެޓް އަދި ކިރު  މިކްސްޗަރަށް އަޅާލައި އޭގެ މައްޗަށް ޗޮކުލެޓް ސިރަޕް އަޅާލުމަށް ފަހު މިކްސްޗަރުގައި ރަނގަޅަށް އެކުލަވައިލާށެވެ. (ރަހަ ބަލާލުމަށްފަހު ފޮނި މަޑު ނަމަ ހަކުރު ކޮޅެއްވެސް އަޅާލެވިދާނެއެވެ.)

2) ރަނގަޅަށް ގިރުމުން ތައްޓަށް އެޅުމަށް ފަހު، މައްޗަށް ވިޕްޑް ކުރީމް އަދި ޗޮކުލެޓް ސިރަޕް އަޅާލާށެވެ. އަދި ބޭނުންނަމަ ކިޓް ކެޓް ޗޮކޮލެޓްކޮޅެއް ފުނޑާލުމަށް ފަހު ވެސް އެޅޭނެއެވެ.