ހއ. މުރައިދޫ ގައި ޤާއިމުކުރާ ފެރީ ސްޓޮޕްގެ މަސައްކަތްތައް ނިމިއްޖެއެވެ. 

މި މަސައްކަތުގެ ކޮންޓްރެކްޓަރު އެމްޓީސީސީން ބުނީ މި ފެރީ ސްޓޮޕްގައި ކިއޮސްކް އަކާއި، ވެއިޓިންގް އޭރިއާއެއްގެ އިތުރުން ފާޙަނާވެސް ހުންނާނެ ކަމަށެވެ.

އަދި މި ފެރީ ސްޓޮޕްއަކީ "އިންޓަރގްރޭޓެޑް ނޭޝަނަލް ޕަބްލިކް ފެރީ ނެޓްވޯރކް" މަޝްރޫޢުގެ އާރްޓީއެލްގެ ފުރަތަމަ ފިޔަވަހީގެ ޒޯން 1 ގެ ދަށުން ޤާއިމުކުރެވޭ ފެރީސްޓޮޕެއް ކަމަށްވެސް ބުނެފައިވެއެވެ. 

އާރްޓީއެލްގެ ދަށުން ރާއްޖޭގެ ރަށްތައް ގުޅުވާލަމުން އަންނައިރު މިފަދަ ފެރީ ސްޓޮޕްތައް އެކި ރަށްރަށުގައި ގާއިމުކޮށްފައިވެއެވެ.