ރޯޑު ޑިވެލޮޕްމަންޓް ކޯޕަރޭޝަން (އާރުޑީސީ) މެނޭޖިންގ ޑިރެކްޓާ މޫސާ ޢަލީ މަނިކު (މޫކޭ) ޖެއްސުމާއި ފުރައްސާރައަށް ބެލުނެއްނެތި އަމީނީ މަގުގެ ތުރާ ފިލުވައިދިނުމަށް އާރްޑީސީގެ މުވައްޒަފުން ކުރާ ގަދަ ހިތްވަރު ފެނުުުމުން ފަޙުރުވެރިވާ ކަމަށް ވިދާޅުވެއްޖެއެވެ.

މޫކޭ މިހެން ވިދާޅުވެފައިަނީ ރޭ ޙާއްސަ ރަސްމިއްޔާތަކާއިއެކު އެމްޓީސީސީއިން އަމީނީ މަގުގައި މުޅިން އަލަށް ތާރު އަޅަން ފެށުމާއި ގުޅިގެން ކޮށްފައިވާ ޓްވީޓެއްގައެވެ.

އެގޮތުން މި ޓްވީޓްއްގައި މުވައްޒަފުންގެ މަސައްކަތުގެ އަގު ވަޒަން ކުރުމުގެ އިތުރުން މޫކޭ ވަނީ އެމްޓީސީސީގެ ގެ ތަޖުރިބާއާއި އެހީތެރިކަަމަށް ބޭނުންވާ ހިނދަކު އެ ކުންފުނީގެ ސީީއީއޯ އާދަމް އާޒިމް ދެއްވާ އިސް ކަމަށް ޙާއްސް ޝުކުރު އަދާ ކޮށްފައެވެ.

ޒަމާނީ ފެންވަރަށް އަމީނީ މަގު ތަރައްގީ ކުރުމުގެ މަސައްކަތް މާލޭ ސިޓީ ކައުންސިލުން ނެގުމަށްފަހު ޕްލޭނިން މިނިސްޓްރީއިން އެ މަސައްކަތް ހަވާލުކުރީ ރޯޑް ޑިވެލޮޕްމަންޓު ކޯޕަރޭޝަން (އާރުޑީސީ) އާ އެވެ. އެ މަސައްކަތް އާރުޑީސީއާއި ހަވާލުކޮށްފައި ވަނީ މި ދިޔަ ސެޕްޓެމްބަރު މަހުގައެވެ. އާރުޑީސީއާއި އެ މަސައްކަތް ހަވާލުކުރީ 7 މަސްތެރޭ އަމީނީ މަގުގެ މަސައްކަތް އެއްކޮށް ނިންމާލުމަށެވެ. 

އެހެން ނަމަވެސް މަގު ނުހެދި ގިނަ ލިގުލައިގެން ދިއުމާއި ގުޅިގެން ބޮޑެތި ފާޑުކިޔުންތަކެއް ސަރުކާރާއި އާރުޑީސީއަށްވެސް އަމާޒުވަމުން ދިއުމާއި ގުޅިގެން އަމީނީ މަގުގައި ތާރު އެޅުމުގެ މަސައްކަތް އެފަހުން އެމްޓީސީސީއާއި ހަވާލުކުރިއެވެ. 

ޕްލޭނިން މިނިސްޓްރީއިން ބުނީ އެމްޓީސީސީއާއި ތާރު އެޅުމުގެ މަސައްކަތް ހަވާލުކުރީ ތާރު އަޅާ މެޝިން ބަހައްޓާނެ ޖާގަ އާރުޑީސީއަށް ނުލިބުމުން މަސައްކަތް އަނެއްކާވެސް އިތުރަށް ލަސްވެގެން ހިނގައިދާނެތީ، އެ މަސައްކަތް އަވަސްކުރުމަށް ކަމަށެވެ. 

އެމްޓީސީސީއިން އަމީނީ މަގުގައި ތާރު އަޅާނީ އަމީނީ މަގުގެ ސްޓެލްކޯ ހުންނަ އިމާރާތް ނިމޭ ހިސާބަށެވެ. އެއީ މިހާތަނަށް އެ ކުންފުންޏާއި ހަވާލުކޮށްފައިވާ ހިސާބެވެ.