މި ސަރުކާރުން ދިވެހިން ދެވަނަ ދަރަޖައިގެ ރައްޔިތުންނަށް ހަދާފައިވާކަމަށް ރައްޔިތުންގެ މަޖިލީހުގެ ފެލިދޫ ދާއިރާގެ މެމްބަރު އިބްރާހިމް ފަޒުލް ރަޝީދު ވިދާޅުވެއްޖެ އެވެ.
ޕީޕީއެމްގެ ޖަގަހަ ޖަލްސާގައި ވާހަކަދައްކަވަމުން ފަޒުލް ވިދާޅުވީ ސަރުކާރަށް އާމްދަނީ އިތުރުކުރުމަށް ރައްޔިތުން އަތުން ނަގާ ޓެކްސް 6 ޕަސެންޓުން 8 ޕަސެންޓަށް ބޮޑުކޮށްފައިވާއިރު، އިންޑިއާގެ ކުންފުނިތަކުން ދައްކަން ޖެހޭ ޓެކްސް މާފުކޮށްދީފައިވާކަމަށެވެ.
އެފަދައިން އެކަން ކުރުމަކީ އަމިއްލަ ފަސްގަނޑުގައި ދިވެހިންނަކީ ދެވަނަ ދަރަޖައިގެ ބައެއްގެ ގޮތުގައި ހެދުންކަމަށް ފަޟުލް ވިދާޅުވި އެވެ.
"ދިވެހިރާއްޖޭގެ މެދުފަންތީގެ ކިތައް ކުންފުނިތޯ މިއަދު ވުޖޫދުގައި އޮތީ؟ ޕްރޮޖެކްޓެއް ދިނަސް އިންޑިއާގެ ކުންފުންޏަށް.. އަޅުގަނޑުމެން މި ޖެހެނީ 8 ޕަސެންޓު ޖީއެސްޓީ ދައްކަން، ޓެކްސް ދައްކަން އަދި އިންކަމް ޓެކްސް ދައްކަން. މީގެ އިތުރުން ބިޒްނަސް ޕްރޮފިޓް ޓެކްސްވެސް އަޅުގަނޑުމެން ދިވެހިން އެބަ ދައްކަން ޖެހޭ. އެކަމަކު އިންޑިއާގެ ކުންފުންޏަށް ހުރިހާކަމެއް ފްރީ. ހުރިހާ ކަމެއް ފްރީ.. ޓެކްސްވެސް ދައްކާނެ ކަމެއް ނެތް، ޖީއެސްޓީއެއްވެސް ދައްކާނެކަމެއް ނެތް، ބިޒްނަސް ޕްރޮފިޓް ޓެކްސްއެއްވެސް ދައްކާނެކަމެއް ނެތް، މިހެންވީމަ މި ބުނަނީ ދިވެހިން ދެވަނަ ދަރަޖައިގައި މި ސަރުކާރުން ރަމްޒުކޮށްދީފިއޭ"
މަޖިލީހުގެ ފެލިދޫ ދާއިރާގެ މެމްބަރު ފަޒުލް ރަޝީދު
ރައްޔިތުން އަތުން ނަގާ ޓެކްސް ސަރުކާރުން ބޮޑުކުރަން ނިންމީ މިހާލަތުގައި އެކަން ނުކުރުމަށް މަރުކަޒީ ބޭންކުން ސަރުކާރަށް ދިން ލަފައާއި ޚިލާފަށެވެ.
ސަރުކާރުން ބުނީ އާންދަނީ ހޯދުމަށް ޓެކްސް ބޮޑުކުރުން ނޫން ގޮތެއް ނެތްކަމަށެވެ. އެހެން ނަމަވެސް ރާއްޖެއަށް އިންވެސްޓުކުރާ އިންޑިއާގެ ފަސް ކުންފުންޏަކަށް ސަރުކާރުން ވަނީ އިންކަމް ޓެކްސް މާފުކޮށްދީފަ އެވެ. އިންޑިއާގެ ކުންފުނިތަކަށް ޓެކްސް މާފުކޮށްދީފައިވާއިރު އެ ފަރާތްތައް ދައުލަތަށް ޓެކުހުގެ ގޮތުގައި އެކު ޖުމްލަ 13 ބިލިއަން ރުފިޔާ ދައްކަން ޖެހެއެވެ.
Advertisement
This content is created and paid for by advertisers and does not involve Voice Journalists
