މާދަމާ ބޭއްވުމަށް ހަމަޖެހިފައިވާ އިދިކޮޅުގެ "ތިޔަހެން ނުވިއްކޭނެ" ހިނގާލުން ފަސްކޮށްފިއެވެ.
އިދިކޮޅު ކޯލިޝަނުން ބުނީ، އެކޯލިޝަންގެ ސެނެޓަރ އަދި ކ. ގުރައިދޫ ދާއިރާގެ މެންބަރު ރިޒާ ނިޔާވުމުގެ ހިތާމައިގައި، މާދަމާ ބޭއްވުމަށް ހަމަޖެހިފައިވާ "ތިޔަހެން ނުވިއްކޭނެ" ހިނގާލުން ފަސްކުރެވިފައިވާ ކަމަށެވެ.
އިދިކޮޅުގެ މި ހިނގާލުމަކީ ތިލަފުށީގެ ބިން ދިގު މުއްދަތަކަށް ބޭރުގެ ކުންފުނިތަކަށް ކުއްޔަށް ދޭތީ އެކަމާއި ދެކޮޅަށް އަޑު އުފުލަން ބޭއްވުމަށް ހަމަޖެހުނު ހިނގާލުމެކެވެ. މި ހިނގާލުން ދެން ބާއްވާނެ ތާރީޚެއް އަދި އެ ކޯލިޝަނުން ހާމަ ނުކުރެއެވެ.
ރިޒާ އަވަހާރަވީ ކެންސަރުގެ އާލާސްކަންފުޅަށް މެލޭޝިޔާގައި ފަރުވާ ހޯއްދަވަމުން ގެންދަވަނިކޮށެވެ. އާލާސްކަންފުޅަށް ފަރުވާ ހޯއްދަވާތާ ދުވަސްތަކެއް ވެއްޖެއެވެ. ރިޒާ އަވަހާރަ ވެފައި ވަނީ ރޭގެ ވަގުތެއްގައެވެ.
ރިޒާއަކީ އިދިކޮޅު ޕީޕީއެމްއަށް ނިސްބަތްވެ ވަޑަެއިގަންނަވާ މެމްބަރެކެވެ. އަދި އޭނާ އަކީ 17 ވަނަ ރައްޔިތުންގެ މަޖިލީހުން ފެށިގެން ކ. ގުރައިދޫ ދާއިރާގެ މެމްބަރުކަން ކުރައްވަމުން ގެންދަވާ ފަރާތެވެ.
ރިޒާ އަވަހާރާވުމާއި ގުޅިގެން އިދިކޮޅުގެ ހިނގާލުން ފަސްކޮށްފައިވާއިރު، އެ ކޯލިޝަންގެ ޕީއެންސީގެ ރައީސް އަބްދުއްރަހީމް އަބްދުالله އާއި މަހިބަދޫ ދާއިރާގެ މެންބަރު އަހުމަދު ޠާރިގާއި، ގުރައިދޫ ކައުންސިލްގެ ރައީސް, ޔާމީން އަދި ސެނެޓަރ ޒާހިދު ރަމީޒު ރިޒާގެ ޖަނާޒާގައި ބައިވެރިވެވަޑައިގަންނަވާނެ ކަމަށް އެ ކޯލިޝަނުން ބުނެއެވެ.
ރިޒާގެ ޖަނާޒާ ބޭއްވުމަށް ހަމަޖެހިފައިވަނީ މާދަމާ ހެނދުނު މެލޭޝިޔާ ގަޑިން 11:00 ގައި މެލޭޝިއާގައެވެ.
Advertisement
This content is created and paid for by advertisers and does not involve Voice Journalists
