އިންޑިޔާގެ އިދިކޮޅު ޕާޓީގެ ސްޕޯކްސްޕާސަން ޕަވަން ކެޑާ ދިއްލީ އެއަރޕޯޓުން، މިލިޓަރީ ފޯސް އާއި އެކު ފުލުހުން ވަދެ ހައްޔަރުކޮށްފިއެވެ.

ޕަވަން ކެރާ ދިއްލީ އެއަރޕޯޓަށް ގޮސްފައިވަނީ އިންޑިގޯގެ ފްލައިޓަކުން ދިއްލީ އިން އިންޑިޔާގެ ރާއިޕޫރް އަށް ދިޔުމަށެވެ. ދަތުރަށް ފެށުމަށް ދަތުރުގެ އެހެން ބައިވެރިންނާއި އެކު ފްލައިޓްގައި ހުއްޓައި ލަގެޖްގެ މައްސަލަ އެއް ދިމާވެގެން ކަމަށް ބުނެ އޭނާ ވަނީ ފްލައިޓުން ބާލައިފައެވެ.

ނަމަވެސް ޕަވަން ޕްލޭންއިން ބޭލުމަށް ފަހު އެންގީ ޑީސީޕީ އޭނާއަށް ނޯޓިސް އެއް ހަވާލުކުރުމަށް އަންނަ ކަމަށާއި ދެން ފްލައިޓަށް ނޭރުމަށެވެ. ޕަވަން އާއި އެކު ފްލައިޓުން ދަތުރު ކުރުމަށް ފްލައިޓަށް އެރި ސްޕްރިޔާ ޝްރިނާތޭ ވަނީ ބުނެފައެވެ.

"އަހަރެންގެ ސުވާލަކީ މިއީ ކާކުގެ އަމުރަކަށް ކުރާ ކަމެއްތޯ؟ ކީއްވެގެންތޯ؟ އަހަރެމެންގެ އިދިކޮޅުގެ މަސައްކަތް ހުއްޓުވުމަށް މަސައްކަތް ކުރަނީ ކީއްވެގެންތޯ؟ ޕަވަން ބުނީ ކީކޭތޯ؟ އެއްޗެއް ބުނި ނަމަ އެކަން ތަހްޤީޤު ކުރާށޭ، ފްލައިޓަށް އެރިޔަ ނުދޭންވީ ކީއްވެގެންތޯ؟ އަހަރެމެން ތިބޭނީ މިތާނގަ އަހަރެމެން އެންމެންނަށް އެއްކޮށް ފްލައިޓަށް ނާރުވާ ކަމަށްވަންޏާ" ސްޕްރިޔާ ބުނެފައިވެއެވެ.

ކޮންގްރެސް މެމްބަރުން އިހްތިޖާޖު ކުރުމަށް އެއާޕޯޓު ތެރޭއިށީންދެގެން

ޕަވަން ކެރާ އާއި އެކު ދަތުރަށް އެރި ކޮންގްރެސްގެ މެމްބަރުން ވަނީ އެއާޕޯޓް ތެރޭގައި ނުރުހުން ފާޅުކޮށް ބީޖޭޕީ އާއި ދެކޮޅަށް އަޑުއުފުލާފައެވެ.