ފެބްރުއަރީ 6 ވަނަ ދުވަހު ތުރްކިޔޭ އާއި ސީރިޔާ އަށް އައި ބިންހެލުމުގައި ވެއްޓުނު އިމާރާތް ތަކުގެ ދަށުން މީހުން ސަލާމަތް ކުރުމަށް ދިޔަ ފަލަސްޠީނުގެ ރެސްކިޔު ވޯކަރަކު އިޒްރާއިލް ސިފައިން ނާބުލްސް ގައި ހިންގި މިލިޓަރީ ރެއިޑްގައި ޝަހީދުވެއްޖެއެވެ.
ޑެއިލީޞަބާޙުގައި ބުނެފައިވަނީ ކަހްރަމަންމަރާސްގައި މީހުން ސަލާމަތްކުރަން މަސައްކަތް ކުރި 37 އަހަރުގެ ސަމެހް އަޤްތަޝް ޝަހީދުވެފައިވަނީ ފަލަސްޠީނުގެ ދެކުނު އައްސޭރީގެ ނާބުލްސްގައި އިޒްރާއިލް ސިފައިން ދިން ހަމަލާއެއްގެ ސަބަބުން ކަމަށް ފަލަސްޠީންގެ ރެޑް ކްރެސެންޓުން ބުނެފައިވާކަމަށެވެ.
ފަލަސްޠީނުގެ ރެޑް ކްރެސެންޓުގެ ސްޓޭޓްމަންޓެއްގައި ބުނެފައިވަނީ ސަމެހް އަޤްތެޝް ނިޔާވެފައިވަނީ އޭނާގެ ބަނޑަށް ލިބުނު ޒަހަމްތަކުގެ ސަބަބުން ކަމަށެވެ.
އާދީއްތަ ދުވަހު އިޒްރާއިލްގެ މީޑިއާ ރިޕޯޓެގައި ބުނެފައިވަނީ އިޒްރާއިލުން ފަލަސްޠީނުގެ ރައްޔިތުންގެ ކިބައިން ބަދަލު ހިފަނީ ކަމަށެވެ. ފަލަސްޠީނުގެ މީޑިއާއި ބުނެފައިވަނީ ގަދަކަމުން ފަލަސްޠީނުގެ ބިމަށް ވެރިވެގަނެގެން އުޅޭ އިޒްރާއިލުގެ މީހުން ފަލަސްޠީނުގެ ރައްޔިތުންގެ ގެތަކުގައި ހުޅުޖަހަމުންދާ ކަމަށެވެ.
ފަލަސްޠީނުގެ ދެކުނު އައްސޭރީގައި މިހާރު އިޒްރާއިލުން ކުރިއަށްގެންދާ އަނިޔާވެރި ޢަމަލިތައް ހުއްޓާލުމާއި މެދު މަޝްވަރާ ކުރުން ތަކެއް ޖޯޑަންގައި އާދީއްތަ ދުވަހު ކުރިއަށް ގެންގޮސްފައިވެއެވެ.
Advertisement
This content is created and paid for by advertisers and does not involve Voice Journalists
